影片
更多
2021-03-31
2780 瀏覽
晌屋企嗰頭行完短山，較鍾意以長沙灣一帶作為落山嘅終站，因為沿青山道一路行，有好多茶記，又可以乘機嚟嘆下午茶。有好幾家都想試，不過，望入去好多人，又好逼，最後，揀咗近尾嘅「嘆得起」，出奇地少客喎。由鋪面，到餐廳內櫳，都喺一派湖水藍嘅色調，雲石枱配木椅，牆上掛上大電視俾客人「撈飯」，其實，格局跟一般茶記無異，但勝在地方夠大，又整潔企理。而最搶眼突出喺入門口部份，牆身裝上霓虹光管，寫住「香港人，比D掙扎」。而餐具，一如好多茶記，就放咗晌枱側嘅「機關」櫃桶，餐具充足，排列整齊，就睇得到店家晌管理上都無偷懶。順帶一提，店員嘅招呼都好殷勤有禮。下午茶時段嚟，就梗喺食下午茶餐啦，底面兩頁，有成20款式茶餐，算喺選擇多，輕怡嘅又有，飽肚嘅又有，而且，定價都相宜。順便影埋個基本餐牌俾大家參考，同樣選擇多多，常餐、碟頭、小炒……一應俱全。相信都有啲午餐、晚餐之類，不過，下午茶時段無放出嚟，就費事問人攞嚟睇。雙拼三文治餐 $22一份新鮮製作嘅三文治賣廿零蚊，仲可以雙拼，已經叫抵啦，依家仲包埋嘢飲先喺$22，感覺真喺蝕住做。不過，更吊詭嘅喺，晌主餐牌有寫散嗌雙拼三文治賣$24，但下午茶餐就反高潮仲要平啲賣$2
由鋪面，到餐廳內櫳，都喺一派湖水藍嘅色調，雲石枱配木椅，牆上掛上大電視俾客人「撈飯」，其實，格局跟一般茶記無異，但勝在地方夠大，又整潔企理。
而最搶眼突出喺入門口部份，牆身裝上霓虹光管，寫住「香港人，比D掙扎」。
而餐具，一如好多茶記，就放咗晌枱側嘅「機關」櫃桶，餐具充足，排列整齊，就睇得到店家晌管理上都無偷懶。順帶一提，店員嘅招呼都好殷勤有禮。
下午茶時段嚟，就梗喺食下午茶餐啦，底面兩頁，有成20款式茶餐，算喺選擇多，輕怡嘅又有，飽肚嘅又有，而且，定價都相宜。
順便影埋個基本餐牌俾大家參考，同樣選擇多多，常餐、碟頭、小炒……一應俱全。相信都有啲午餐、晚餐之類，不過，下午茶時段無放出嚟，就費事問人攞嚟睇。
雙拼三文治餐 $22一份新鮮製作嘅三文治賣廿零蚊，仲可以雙拼，已經叫抵啦，依家仲包埋嘢飲先喺$22，感覺真喺蝕住做。不過，更吊詭嘅喺，晌主餐牌有寫散嗌雙拼三文治賣$24，但下午茶餐就反高潮仲要平啲賣$22，兼包埋餐飲，會唔會變咗迷你版，將貨就價？完全喺貨真價實。
鹹牛肉炒蛋三文治三文治好快送到嚟，要咗鹹牛肉加炒蛋，睇相都睇到，堅多料，無欺場。由於新鮮製作，入口啲料喺熱辣辣，炒蛋又夠滑，鹹牛肉份量足，真喺好食。
熱奶茶杯餐飲可以講直情喺送嘅，不過咁，個人而言，杯奶茶就一般般喇，奶味重，茶底弱，所以，入口缺少咗港式奶茶嗰種芳香馥郁感。
雖然，杯奶茶喺一般咗啲，但份雙拼三文治絕對喺令個茶餐嘅性格比推到高點。
張貼
