60
3
1
港鐵長沙灣站 C2 出口, 步行約6分鐘 繼續閱讀
電話號碼
93737363
營業時間
今日營業
12:00 - 22:00
星期一至日
12:00 - 22:00
付款方式
現金 OpenRice Pay
食評 (67)
等級8 2021-03-31
1944 瀏覽
晌屋企嗰頭行完短山,較鍾意以長沙灣一帶作為落山嘅終站,因為沿青山道一路行,有好多茶記,又可以乘機嚟嘆下午茶。有好幾家都想試,不過,望入去好多人,又好逼,最後,揀咗近尾嘅「嘆得起」,出奇地少客喎。由鋪面,到餐廳內櫳,都喺一派湖水藍嘅色調,雲石枱配木椅,牆上掛上大電視俾客人「撈飯」,其實,格局跟一般茶記無異,但勝在地方夠大,又整潔企理。而最搶眼突出喺入門口部份,牆身裝上霓虹光管,寫住「香港人,比D掙扎」。而餐具,一如好多茶記,就放咗晌枱側嘅「機關」櫃桶,餐具充足,排列整齊,就睇得到店家晌管理上都無偷懶。順帶一提,店員嘅招呼都好殷勤有禮。下午茶時段嚟,就梗喺食下午茶餐啦,底面兩頁,有成20款式茶餐,算喺選擇多,輕怡嘅又有,飽肚嘅又有,而且,定價都相宜。順便影埋個基本餐牌俾大家參考,同樣選擇多多,常餐、碟頭、小炒……一應俱全。相信都有啲午餐、晚餐之類,不過,下午茶時段無放出嚟,就費事問人攞嚟睇。雙拼三文治餐 $22一份新鮮製作嘅三文治賣廿零蚊,仲可以雙拼,已經叫抵啦,依家仲包埋嘢飲先喺$22,感覺真喺蝕住做。不過,更吊詭嘅喺,晌主餐牌有寫散嗌雙拼三文治賣$24,但下午茶餐就反高潮仲要平啲賣$22,兼包埋餐飲,會唔會變咗迷你版,將貨就價?完全喺貨真價實。鹹牛肉炒蛋三文治三文治好快送到嚟,要咗鹹牛肉加炒蛋,睇相都睇到,堅多料,無欺場。由於新鮮製作,入口啲料喺熱辣辣,炒蛋又夠滑,鹹牛肉份量足,真喺好食。熱奶茶杯餐飲可以講直情喺送嘅,不過咁,個人而言,杯奶茶就一般般喇,奶味重,茶底弱,所以,入口缺少咗港式奶茶嗰種芳香馥郁感。雖然,杯奶茶喺一般咗啲,但份雙拼三文治絕對喺令個茶餐嘅性格比推到高點。 繼續閱讀
(以上食評乃用戶個人意見 , 並不代表OpenRice之觀點。)
等級2 2021-03-15
247 瀏覽
突然屋企沒煮飯, 就買外賣返去同小朋友食,就選了有蛋既 F~ 賣相雖普通, 但食落件雞扒鬆脆多汁,有d 驚喜, 飯內有少量豉油, 味道剛好, 而份量比想象中大盒, 滑蛋也很滑,唯獨蛋味不夠, 下次會試埋其他款式 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-23
306 瀏覽
因為怕堂食多人所以同事推介了這一間嘆得起我是第一次食的。餐牌選擇我覺得唔算多,我自己揀咗一個咕嚕雞球48蚊先上咗一個例湯例,湯裏面唔係好多湯,勁多湯渣 有三舊粟米咕嚕雞球黎到覺得雞球唔係好多,有一半配菜 ,恕我偏食,個係唔食嘅,汁超級唔夠, 只係啱啱包住啲雞,但係味道好食, 雞係脆嘅, 但係食咗一半係唔夠做餸&汁食埋另外嗰一半飯反而同事叫咗滑蛋叉燒飯58蚊, 成碟嘢都大碟好多,感到非常無奈, 但係同事話係好食嘅整體嚟講如果唔知食乜好都可以返食呢間茶餐廳另外食到臨走先發現有個咪走雞嘅招牌,原來呢間嘢同咪走雞係同一間 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-10
274 瀏覽
12點到,無乜人。因為open rice 食評話佢小菜好,所以準備叫小菜,點知道叫完一個話無,叫另一個又話無,跟住夥計系隔離台摟個餐牌,上面大了很多交叉系邊D無,原來意見開始轉型做雞煲,唉最後帶住患得患失心情去叫左3個小菜,但又真系幾得同大家都滿意,熱辣辣,大大蝶,所有肉幾大舊,性價比高。咕嚕雞球($68)-炸皮仲脆同好薄,難得啊!肉也醃得好入未,配菜也多。栗米龍利柳($68)-栗米汁好多,足夠曬撈飯,京都豬扒($68)-真系好多好大件,酸甜剛剛好系個例湯比較差,蘿蔔都未煲淋。 繼續閱讀
(以上食評乃用戶個人意見 , 並不代表OpenRice之觀點。)
”嘆得起“ 嘅前身係 “米走雞“相信唔少外區人都幫襯過曾經嘅人氣雞煲店還是敵不過世紀疫症令人感慨***終於幾個月前同一位置有新餐廳面世噢,又係茶記長沙灣已經好多茶記啦喂仲開?***經過無數次過門不入一係因為餐牌唔吸引二係餐牌嘅字跡非常醜陋手字靚當然加分對靚有要求係做做人基本色香味都係以 “色“ 字行先啦***忽然有一日想去嘅兩間茶記(!)都大排長龍咁就做就左個機會畀我同佢......***終於更新了餐牌亦全面改用電腦打印餐牌順眼好多三點三時間叫左兩個下午茶餐1. 炸雞髀跟沙律及茶2. 煙肉火腿芝士撈通心粉跟多士炒蛋及茶***炸雞髀沙律齋睇賣相已相當有誠意雞髀唔算大隻但食到淮鹽味沙律直情好到唔識講中西式兼備生菜蕃茄薯仔雜果乜鬼都有完全平衡到炸髀嘅油膩感***煙肉火腿芝士撈通心粉撈麵撈丁周圍食到撈通真係唔常見但芝士撈丁(macaroni and cheese)其實係外國人嘅comfort food若果你在外國生活過你會明白在香港食返呢味菜好味與否並不重要因為呢道根本係一道好普通嘅家常菜但食嘅時候當年人在異鄉甜酸苦辣嘅畫面就會在腦海中一一浮現...... 繼續閱讀
(以上食評乃用戶個人意見 , 並不代表OpenRice之觀點。)