因為一點幾先去食所以等左一陣就有位，打開個set menu又發覺真係幾抵食
1
仲有其他set，好似cake set同咖哩飯set咁，揀左好耐
啲餐十分鐘左右就到齊，賣相都唔錯，份量又合適
我地叫左照燒雞飯套餐，炸雞飯套餐，味噌海藻烏冬同埋咖喱牛肉飯
4個餐都有送沙律
個沙律佢係配黑醋汁
一d都唔肥
而d菜都好新鮮
呢個係炸雞飯套餐
朋友話d雞都好大件同好滑
但就炸得唔夠脆
另一朋友就叫左照燒雞飯套餐佢就覺得飯太多 雞太少
同埋照燒汁唔夠多
不過雞都係好滑 不過不失咁啦
我地特別鐘意個烏冬，waiter話原來佢入面有海藻
睇menu個陣得知原來隻烏冬係日本攞過獎
雖睇落似喬麥面，但食落又有烏冬個種口感，仲唔會斷添
2位朋友叫個餐都係跟清湯烏冬
而另一位朋友就叫左味噌海藻烏冬
1
佢話湯一d都唔濃
亦都唔會好多味精
份量岩岩好
而我，就叫左個咖喱牛肉飯
好欣賞佢會比你選甜同辣
咁我今次就想試吓甜
佢個甜咖喱應該落左d生果整個汁
好清香
非一般的日本咖喱
另外極力推薦set附送既錫蘭紅茶(英國皇室都飲依隻牌子!
)
佢每日都供應唔同味道，今日係草莓味
我個friend話個茶好香好濃，
仲好滑
鍾意咖啡既記得加$40番杯每日限量供應既Ice Drip Coffee
呢個咖啡出去酒店都可能成百蚊
個咖啡苦得黎帶有甘香
我直程唔落奶飲
因為咁先飲到佢真正ge味道
亦有朋友加左39蚊去轉飲初茶
上網search完黎就發現原來初茶係解頂級的抹茶
朋友話一d都唔苦澀
反而係淡淡的清香
其實睇色都知唔係濃
佢自己就幾鍾意，我估我就麻麻地啦
最鍾意綠茶ge fd就選左宇治抹茶奶
佢話飲到好香的牛奶味同抹茶味
亦都覺得好彩唔係太甜
係細杯左少少
食完主菜就黎甜品啦
呢個就係朋友跟餐的綠茶蛋卷
佢話個蛋卷有濃濃的抹茶味
cream都好重抹茶味
抹茶雪芳蛋糕都好重抹茶味
cream都落得岩岩好唔會太流
而香草蛋卷同草莓蛋卷就重蛋味同牛奶味d
草莓新鮮又甜
其實，我地覺得最好的地方係d蛋卷同埋蛋糕濕度好岩
食個陣完全唔洗用水沖落去
整個午餐都食得好開心
每樣食物都覺得佢好有心機整
亦都好高質
貴就係貴左d架啦
但其實附近的甜品鋪都要呢個價
依家一個餐跟埋蛋卷同野飲絕對ok
希望佢會繼續keep住呢個水準啦
