Mr. Crab by The Captain's House (已結業)

限聚終於完結，可以約下已經home office左好耐嘅朋友仔出黎食下野、飲下野！一坐低，就見到野飲30%off，而且飲品種類又多又齊，即使係落大雨都係非常有興致。我個人心情好就會飲啲fruity啲、甜啲嘅cocktail咁，果晚嘅white wine sangria真係岩晒我。飲落嘅前調比較多係水果味（荔枝、士多啤梨），中後調先到白酒味，都幾strong下架～之後，我地叫左幾款餸，其中一個係5款海鮮嘅chok chok袋，朋友強力推薦要加一份麵包點汁食。果日有幾種海鮮無供應，包括龍蝦仔，我地最後都可以食到三種蜆、鮑魚、蝦。強力建議要配佢地嘅house sause，重蒜偏咸，令全枱人都好開胃～配埋個包真係絕配～個人認為，呢間餐廳嘅海鮮真係合埋眼叫都唔會中伏，完全可以放心點，大啖食！