雲來軒 (已結業)

今次難得黎左依到食野,當然要係有一大班朋友一齊黎,因為咁樣先可以叫多D野食嫁嘛,好快就諗好食咩,小食就叫左幾樣,有金磚豆腐,蒜泥白肉,燒腩仔同埋胡麻淮山. 全部都好有水準,另外最值得推介係依個花古螺頭湯,可以講係必叫既推介,因為真係非常清甜,飲落真係好好味,仲要無咩油,真係無敵既湯。之後就係一個電視既冠軍菜色-水芙蓉蒸明蝦球,果然係冠軍菜色,就算有類似既菜色,都從未食過D蛋係咁滑都咁好食,蝦球當然都有番咁上下水準,成個菜色都係非常好味既。之後就係大家都話讚既牛肉卷,依個真係好好味,但我真係唔記得佢全名係咩,好似係有少少藥材係裹面,但味道真係非常好,肉質感好好,有少少咬口又不失個肉味,真係正喇, 最後食埋依個燉雪梨同埋陳年紅豆沙,劃上完美既句號!!