影片
更多
2021-02-27
920 瀏覽
今日去咗朋友介紹嘅鐵板燒位於銅鑼灣，餐廳裝修幾雅致，唔係平時見開的裝修，有啲日本和風小品味道，簡簡單單，有啲工業風嘅吊燈，感覺好年青。今日兩個人點了二人套餐，頭盤係蟹肉沙律，蟹肉嘅份量都幾夠多，算係幾有誠意。之後嘅蒸蛋有金箔，海膽及黑松露在面，口感唔錯，蛋係溫泉蛋，有蛋香又好creamy，加上海膽就更加惹味。火焰北寄貝，廚上枱會淋上酒精，所以非常之有睇頭，香味上枱十分突出，仲會聞到少少碟底柏葉的清香，貝肉非常爽口彈牙，師傅調味剛剛好，最緊要飲埋殼裏面的蜆汁，勁鮮味。南非孔雀鮑魚，上枱賣相非常之漂亮，個碟好靚好精緻，有種去咗日本銀座食鐵板燒嘅感覺，好優雅，鮑魚非常好味，你仲可以配上旁邊的蟹肉海苔汁，更添鮮味。西澳洲龍蝦配海膽汁，龍蝦十分彈牙又多汁，最緊要唔使自己剝殼。熊本A5和牛，配南瓜大啡菇及翠玉瓜，和牛超級肥美入口即溶，好彩份量剛好，唔係感覺會有啲有啲滯，點埋碟旁邊嘅岩鹽就啱啱好。鮮帶子昆布龍蝦湯麵豉湯，用咗之前龍蝦個頭去熬湯，所以味道非常之足料，有鮮味，再加上少少帶子配合感覺都幾奢華。最後嘅炒飯都出乎我所料，在鐵板炒飯上會再配上滿滿的海膽及三文魚籽，用上高身杯，一路食啲餸會一路跌出
今日兩個人點了二人套餐，頭盤係蟹肉沙律，蟹肉嘅份量都幾夠多，算係幾有誠意。
之後嘅蒸蛋有金箔，海膽及黑松露在面，口感唔錯，蛋係溫泉蛋，有蛋香又好creamy，加上海膽就更加惹味。
火焰北寄貝，廚上枱會淋上酒精，所以非常之有睇頭，香味上枱十分突出，仲會聞到少少碟底柏葉的清香，貝肉非常爽口彈牙，師傅調味剛剛好，最緊要飲埋殼裏面的蜆汁，勁鮮味。
南非孔雀鮑魚，上枱賣相非常之漂亮，個碟好靚好精緻，有種去咗日本銀座食鐵板燒嘅感覺，好優雅，鮑魚非常好味，你仲可以配上旁邊的蟹肉海苔汁，更添鮮味。
西澳洲龍蝦配海膽汁，龍蝦十分彈牙又多汁，最緊要唔使自己剝殼。
熊本A5和牛，配南瓜大啡菇及翠玉瓜，和牛超級肥美入口即溶，好彩份量剛好，唔係感覺會有啲有啲滯，點埋碟旁邊嘅岩鹽就啱啱好。
鮮帶子昆布龍蝦湯麵豉湯，用咗之前龍蝦個頭去熬湯，所以味道非常之足料，有鮮味，再加上少少帶子配合感覺都幾奢華。
最後嘅炒飯都出乎我所料，在鐵板炒飯上會再配上滿滿的海膽及三文魚籽，用上高身杯，一路食啲餸會一路跌出嚟，非常之誇張！
最後結尾係日式疏乎厘pancake，配上不同味的雪糕及紅豆點綴，所以時間會等耐啲，不過都值得嘅，pancake 是新鮮製造非常之好味又滑，絕對係完美嘅一餐！
價錢唔算十分便宜，但係用料都好新鮮，食材又靚，都物有所值！
張貼
