影片
更多
2025-04-24
25 瀏覽
話說琴日食到一餐好滿足既日本菜!咁琴晚收工就同朋友去左尖沙咀諾士佛臺個邊搵野食(唔好問我點解係酒吧多既地方,因為我都唔知點解,不是我負責,哈哈),同我地係尖沙咀諾士佛臺1號個幢野到望住啲水牌好耐,4條友揀左10分鐘....終於揀到當時心諗都係食下串燒飲下生啤餐廳好有日本feel😍入面雖然少少暗暗地,但反而咁仲有氣氛!戲肉黎喇!估唔到野咁好食!(因為我地都有選擇困難症,基本都係店員介紹)🤣炸芝士海膽卷外脆內軟,芝士咸香又唔會蓋過海膽甜味~旁邊仲有抹茶鹽,沾少少味道又唔同左右!好食!😍八爪魚沙津上面鋪滿柚子,仲有師傅自家調配既醬汁,酸酸甜甜加上八爪魚彈牙既口感,簡直最佳送酒小食呀😋刺身盛盒五點件件都厚肉鮮甜!(魚刺身會因為時段已有所不同),就連牡丹蝦頭我都冇放過!因為真係好多好多膏!! 不得不說,就連wasabi都係手磨，香而不攻鼻👍手握壽司都好新鮮冷盤食完當然仲有熱食，少不了一定係串燒！我地叫左牛舌，豚肉車厘茄，免治雞肉，魷魚軟骨串（期間限定，必試！）🫰，雞中翼各兩串店員好好咁提我地牛舌要趁熱食，牛舌既油脂令佢香味同口感加倍❤️但魷魚軟骨串一定係ｔｈｅ
咁琴晚收工就同朋友去左尖沙咀諾士佛臺個邊搵野食(唔好問我點解係酒吧多既地方,因為我都唔知點解,不是我負責,哈哈),同我地係尖沙咀諾士佛臺1號個幢野到望住啲水牌好耐,4條友揀左10分鐘....終於揀到當時心諗都係食下串燒飲下生啤
餐廳好有日本feel😍入面雖然少少暗暗地,但反而咁仲有氣氛!
戲肉黎喇!估唔到野咁好食!(因為我地都有選擇困難症,基本都係店員介紹)🤣
炸芝士海膽卷
外脆內軟,芝士咸香又唔會蓋過海膽甜味~旁邊仲有抹茶鹽,沾少少味道又唔同左右!好食!😍
八爪魚沙津
上面鋪滿柚子,仲有師傅自家調配既醬汁,酸酸甜甜加上八爪魚彈牙既口感,簡直最佳送酒小食呀😋
刺身盛盒五點
件件都厚肉鮮甜!(魚刺身會因為時段已有所不同),就連牡丹蝦頭我都冇放過!因為真係好多好多膏!! 不得不說,就連wasabi都係手磨，香而不攻鼻👍
手握壽司都好新鮮
冷盤食完當然仲有熱食，少不了一定係串燒！
我地叫左牛舌，豚肉車厘茄，免治雞肉，魷魚軟骨串（期間限定，必試！）🫰，雞中翼各兩串
店員好好咁提我地牛舌要趁熱食，牛舌既油脂令佢香味同口感加倍❤️但魷魚軟骨串一定係ｔｈｅ ｂｅｓｔ！鍾意食軟串既人一定明！因為脆而不硬～～仲加上惹味醬汁🤤
鐵板宮島蠔
佢係介煎與炸之間，外脆內軟，啖啖肉！（不過略少咸，應該要送飯🤣
泡菜豚肉石鍋飯
由於前面太出色，所以只能講，不過不失喇～但有飯焦就是香😆
食左咁耐當然少不了～酒！！當中既清酒大推呀！入口就濃濃既米香甜點，順喉中辛，但！女仔都一定飲得到
除左清酒，當然就仲有ｍｏｃｋｔａｉｌｓ同ｃｏｃｋｔａｉｌｓ！
完滿的一晚呀🤩🤩
張貼
