德美壽司

營業中

休息中

德美通常只能係非繁忙時間先可以唔洗等位，成日都因為全場滿座無得入去食既，而德美亦係我心目中既美味午餐之一，難得再黎食就要再分享下感受啦，我之前都寫過一篇食評係讚德美既食物，而作為熱門lunch之選，我鐘意佢係師傅會即叫即做魚生飯而唔會整定一些魚生飯只去求快速。我食呢個三文魚彩之飯再加送湯，沙津，茶碗蒸和迷你甜品合共五樣食物價錢大概$75，真係值得去食既用心製作餐廳，（現暫時仍未加一,2016／11／7到此）。三文魚彩之飯有熟既三文魚碎混合生三文魚，配搭唔奇怪而且更有口感。另外，配菜方面，薯仔沙津甜甜地咁好似薯容係幾好食，茶碗蒸蛋都係保持入面有香菇，肉粒等豐富材料，麵豉湯入面有豆腐，紅羅白，紫菜，鹹度適中。總括黎講，無食過既人會覺得用$55-100去食lunch唔係好平，但佢地食過德美就會覺得物超所值。