味來喇沙專門店

見到無人幫呢間鋪打食評，咁我就黎做第一個啦。
初初見到呢間野開張，諗住近近地入去食個午餐。初時餐牌價錢都偏貴，平均要５０～６０一個人。叫左功夫豬手飯，同埋牛肉炒烏冬。
先講整體食物質素，味道都偏咸，唔太岩我。豬手炆得係幾好，軟淋淋，有口感，入口即溶。另外烏冬份量偏小，過咸，感覺落左好多醬油，牛肉肉質差，似係低級牛肉。
食完呢次之後，永遠再唔會返轉頭。因為真係貴夾唔抵食，後來見到食物價錢調低，又出左午市套餐，附近幾間餐廳都坐滿人，但係呢間就仍然無乜人入去食。