蓮香樓 (已易手) 新餐廳

香港舊式茶樓，蓮香居都算係非常出名的了，香港人外國人遊客都必定會來試試。響咁繁忙嘅餐廳裏面，夥計仲肯主動幫客人找位置，都唔係真係講到舊夥計咁火爆啫。每當一有新嘅點心車仔推出嚟，食吓個個都必定帶埋點心卡一擁而上，睇吓有冇自己啱食嘅點心再攞返埋位。先搶到嘅係咖喱魷魚，內有牛筋同埋麵筋，由於咖喱味唔入味嘅關係，魷魚點彈牙，牛筋幾淋同麵筋本身幾索味都變咗冇乜用了。阿姐極力推介嘅豬潤燒賣，仲話呢碟係最靚嗰客。舊式嘅點心多數都係三高，當然呢度嘅燒賣都係肥豬肉勁多，入面有隻蝦仁仔，味道都還可以，不過面頭嘅豬潤就又乾又實。不過朋友就話嗰啲蒸出來的水好香，直頭當豬膶湯咁飲咗。再跟住就係蒸魚雲同埋棉花雞，魚雲味道不明，魚肉霉淋，好在唔腥。棉花吸嘅湯汁味道都幾好，嗰塊比梳打粉發到化哂嘅瘦肉我真係無食。最後仲搶咗籠奶皇包，舊式嘅奶皇包裏面係好似漿糊咁一pat pat，味道都尚算唔錯，不過我真係可能食慣咗新式嘅流心奶黃包了。