百味堂 (已結業)

我地都幾鐘意百味堂嘅牛奶雪糕，除左原味、朱古力、抹茶等，不定時都會有啲季節限定嘅水果組合。事隔兩年終於再食到百味堂嘅蜜瓜牛奶雪糕，我地經常都提起呢個口味，其實係鐘意啲蜜瓜K11分店人流都幾旺，鋪面唔大，但係都有少量位置可以坐低堂食，畢竟雪糕價錢都唔屬於平。不過店員都比較繁忙，冇乜時間去收拾。蜜瓜牛奶雪糕 $88用嘅係熊本縣蜜瓜，比起第一次食漲左10蚊，一層雪糕一層蜜瓜果醬，面頭依然有6粒瓜球。果肉香甜多汁因為太細粒唔夠喉，直頭想就咁買個瓜番屋企刨。果醬味道較淡，存在感唔夠強烈，稍為被奶味蓋過。牛奶雪糕奶味依然濃郁，冰感較重，底部仲有少量冰碎，溶得較快。最主要我都係為左啲蜜瓜買的，一年一次，ok啦。