米走雞Deluxe (已搬遷) 新店位置

秋冬嘅時節,促使我更加想食熱辣辣嘅雞煲,但雞煲當然就越邪惡越好食。所以我最鍾意就係食芝士雞煲,朋友同我講我先知原來銅鑼灣都開左米走雞。所以shopping完就決定去食個晚餐,好彩了7點walk in都仲有位。身為芝士迷嘅我當然揀左極量嘅芝士啦,溶左之後邪惡嘅芝士仲可以做到拉線效果滿滿包住雞件,而家諗起都覺得邪惡。食呢個芝士雞煲當然唔少得鮮炸響鈴同炸魚皮。鮮炸響鈴吸收晒芝士精華,炸魚皮沾滿芝士又帶香脆嘅口感,大贊。雪花肥牛同芝士湯底非常之夾。食得咁邪惡當然要食返D蔬菜平衡下,我個人就覺得娃娃菜同金菇配上芝士濃湯底,冇得彈。