Twinkle Baker Decor (已結業)

早幾日姪仔生日，當然要揀番個得意又氹得佢開心嘅生日蛋糕啦！疫情嘅關係，我哋都係留返係屋企，食個簡單嘅晚飯慶祝一下，就好啦！因為最緊要大家都健健康康！見到門口嘅恐龍同長頸鹿都好吸引再睇真啲仲有好多款新出嘅蛋糕！見到呢個熊仔生日蛋糕就知道姪仔一定鍾意！因為佢好鍾意食熊仔餅😂 仲有得自訂組合！揀咗熊仔配 朱古力牛油蛋糕！提早一個禮拜訂就今日就過嚟拎啦！店員話而家蛋糕都好受歡迎如果唔訂嘅，通常熊仔蛋糕都難以有現貨！悉心訂咗 渴睡熊蛋糕 又真係幾靚! 連我係大人都深深地吸引着！蛋糕有六吋，我哋八個人一人食少少就啱啱好！朱古力非常之香濃咩都唔會太甜，啱晒一家大細！