Twinkle Baker Decor (已結業)

生日緊係食壽桃🍑⋯咦？！唔係食蛋糕🍰咩？唔洗驚！呢個蛋糕一次滿足你兩個願望。係一個蒸籠造型，上面裝有壽桃，就算近睇，都覺得超似，超搞怪，有創意！超得意！屋企人話靚到唔捨得食。呢個蛋糕好多層次！先講壽桃，壽桃外層係香桃芝士慕絲，內層則有泡芙，最入面係包裹香桃果餡， 乍看果餡好似蛋黃，十分像真。蒸籠則由白朱古力製成的，入面好多layer，分別有新鮮草莓、雲呢拿吉士和原味海綿蛋糕。整體黎講，呢個蛋糕味道相當有水準，雖然好似好多層，但全部味道、質感都好融洽，香桃味道好出，好清新，芝士味道不會搶戲！而海綿蛋糕相當柔軟，雲呢拿吉士令整個蛋糕更濕潤、更有濃濃的香草味，真係好討喜！

呢個仙境之園蛋糕嘅設計意念好鍾意， 夢幻又有節日氣氛，完全打進我呢啲少女心❤️成個蛋糕內層係一層層嘅榛子慕絲、海鹽焦糖朱古力脆脆、粒粒焦糖脆珠同朱古力海綿蛋糕，入口有層次，軟滑香濃有脆卜卜咬口

今年訂咗哩間舖頭嘅蛋糕來同太太慶祝生日 係唔係好靚哩 不過其實就好睇唔好食 因為蛋糕面係用大量糖膠同朱古力做成 蛋糕入面就海綿蛋糕夾住小小果醬 比較甜 但其實大家應該都明白蛋糕主要用途係打卡影相 講外觀方面哩個蛋糕就真係冇得輸 大家睇過相就會知 味道方面就😂😂 可以講隨便是旦買都好食過哩個蛋糕 價錢唔係好貴 溫馨提示 由於蛋糕都好多款式 最好提前預訂 不過個個網站就麻麻地喇 特別係輸入生日牌個度就有啲怪怪 可能因為有限字數 同埋中文同英文一齊 個系統分唔清 數唔到有幾多個字 所以都試咗幾次 最好就預訂完打去confirm 或者親身到店預訂啦 鍾意影相打卡可以一試哩間舖頭

小朋友最近學會了小蜜蜂曲目，正在想著如何獎勵他時，正好走過蛋糕店。看到很多款式，突然看到了蜜蜂主題的蛋糕!!! 立時進店跟店員查詢，介紹說這款名字: 玫瑰蜜語! 蛋糕用上深淺黃色，頂部有枝大白花棒，2個朱古力馬卡龍直立，其中附有1隻小蜜蜂，2根軟管蜜糖插在中間，再灑了點綠色粉末在蛋糕面，相信是當作草吧。蛋糕身附上幾塊深淺啡色的六角形裝飾，相信是以蜜蜂巢概念作參考。整個蛋糕非常簡潔漂亮，而貼切的帶出了蜜蜂主題。外帶盒都有透明的一層，非常方便觀眾二話不說便付款了，店員還提醒1.5小時內還沒有吃的話，記得放進冰箱，以保持最佳的品質。回家後小朋都嚷著吃，他們都把蜜糖擠進蛋糕，滿心期待等會吃到蜜糖把蛋糕切開便看到，主要由牛奶蜜糖跟玫瑰軟心慕絲組成， 一層一層的。咬下有Q彈感覺，有別於平吃的其他蛋糕。甜度亦算中下，不擔心小朋友吃過甜呢。下次再買別的主題蛋糕，必會到店看看

婆婆的生日蛋糕🎂老人家生日蛋糕除咗壽包之外仲可以有咩選擇？就係壽包蛋糕🍰喇外層係白朱古力整嘅蒸籠壽包雖然係忌廉但都唔算太甜入面係士多啤梨🍓蛋糕公公話入面正呀因為唔會好甜始終老人家都係怕甜所以個白朱古力蒸籠就俾大少食咗😅扮清糕啲蛋糕出名造型特別下次試下其他味先😎#heacookmama@twinklebaker

屋企人今日生日，同事推薦呢間蛋糕店，見公司附近有，即管一試～位於海之戀商場入面，裝修非常精緻，而今期特別推介仲出咗一系列精品，差啲忍唔住買左～睇返蛋糕先，全部都勁靚，有小朋友到少女鬼到大朋友嘅生日蛋糕都有，睇到我眼花撩亂～最後我揀咗呢款招財貓漢堡包，haha其實佢個名係比比漢堡（$368)呢間蛋糕真係超級超級出色，呢個漢堡包裡面係一層一層放入去，絕無欺場，真心寫個服字！唔似得個樣，成個蛋糕主要由漢堡包面同埋底嘅芒果慕絲、忌廉同埋曲奇組成，味道清新又唔甜，連大朋友都話係食過最好食嘅生日蛋糕，大力推薦啊～

最近我真係愛上咗Twinkle Baker Décor嘅蛋糕，繼上次預祝細佬生日食咗個恐龍仔多多，今次經過又見到新出咗「順風順水順風車」原個蛋糕。我本身已經同自己講忍下啦，下次再買，點知俾我見到「紅絲絨」三個字，識我嘅朋友都知我最鍾意食紅絲絨同紅蘿蔔蛋糕，所以我最後都係忍唔住買咗返去試，提早招好運迎新年🏮.蛋糕上嘅小風車好可愛，配上蛋糕表面嘅紅牡丹裱花忌廉，寓意花開富貴🌸 蛋糕表面嘅粉紅色桃花朱古力同金箔為蛋糕點綴，充滿新春節日氣息。原味牛油忌廉表面包裹著層層相間嘅紅絲絨牛油蛋糕及紅桑莓吉士忌廉，紅桑莓吉士忌廉酸酸甜甜，裡面仲有朱古力脆珠，口感特別。紅絲絨牛油蛋糕香軟好味，同紅桑莓吉士忌廉味道好夾🤤.今個新年除咗賀年糕點，又多個新選擇，一飽口福之餘，仲可以轉個好運❤️

除咗另一半之外，全年都冇同朋友慶祝過生日，更莫講話開party，連見面嘅機會都少咗好多。2020眨吓眼到咗年尾，燈飾好、商場裝飾又好，都提醒大家聖誕節仲有兩個星期就到好多蛋糕店都會推出聖誕系列嘅蛋糕，其中有Twinkle Baker Decor，佢哋嘅造型蛋糕一向吸睛，聖誕系列都好靚好搶眼！(我就網上訂咗，落門市拎)荃灣店位於荃灣廣場，一眼就望到。門市可以睇到蛋糕嘅實物。原個蛋糕除咗「雪羽奇蹟」，仲有一款名為「願望樹」嘅玻璃球造型樹頭蛋糕，好有氣氛。店員好快就包裝好蛋糕，入盒前俾我哋確認過，實物如圖呢！呢個蛋糕4.5吋，以雪花、羽毛、冰湖呢啲冬日元素為主題，成個感覺好"Frozen"，小朋友見到已經馬上心心眼裝飾都做得好細緻。蛋糕內層由原味牛油蛋糕、黑加侖子慕絲相隔組成，另外加咗啲蘋果果蓉，食落微甜可以中和慕絲層嘅酸，焦糖脆餅豐富咗口感成個蛋糕唔計塊皮，完全冇甜膩感，只係我覺得慕絲質地結實咗少少，如果做得軟嫩啲，應該更加好食~

再一次幫襯twinkle baker decor，今次揀左呢隻超得意嘅恐龍仔，佢叫多多🦖(368)：由4層夾住益力多慕絲嘅牛油蛋糕組成，岀面再包住朱古力。益力多慕絲係用低糖高纖嘅益力多LT整成，仲加左啲乳酪味嘅爆珠，酸酸甜甜超刺激😚所以整體來講唔算甜，而且又可愛岩曬相機食先人士😍

無錯，今日又係生日蛋糕🎂推介。之前就介紹左可愛趣致風，仲有女神ig風嘅蛋糕，而今次呢個就岩啲一日一杯珍珠奶茶嘅手搖控🥤(呢個係之前蛋黃哥蛋糕嘅twinkle同天仁嘅岀品呀😍)阿薩姆紅茶配黑糖寒天麻糬蛋糕(4.5吋)🍰$368雪糕球嘅真身係阿薩姆紅茶整嘅butter cream，第一啖食落去軟滑嘅口感，拍得住真嘅雪糕🍦而雪糕邊係朱古力蛋糕碎，加埋個cone，係咪呃得下人呢😛蛋糕外層比厚厚嘅紅茶butter cream圍住，帶有淡淡嘅紅茶香。切開就見到一層一層嘅牛油蛋糕同紅茶mousse，mousse嘅紅茶味超濃，仲有少少茶嘅甘香😋而且入面仲有煙韌嘅麻糬同爽口嘅黑糖寒天，食起上來有口感之餘仲無咁膩🥰

仔仔生日就諗住去搵一啲特別啲嘅蛋糕。上網睇到有一個招財貓蛋糕，就去咗定一個嚟試吓。一直都覺得賣相靚嘅蛋糕都唔方會好食，點知今次真係有驚喜。呢一個蛋糕除咗靚之外仲係非常之好食，蛋糕又唔太甜，好香蛋味！我見佢仲有好多款外型靚靚嘅蛋糕，好似富士山、扭計骰、仲有一個壽包型嘅蛋糕。下次一定要試吓。

今時今日生日唔一定要切大蛋糕嘅，買幾個細細地唔同款式嘅，咁咪可以一次過試幾種口味咯😜想係荃灣西買唔太大又打得卡嘅蛋糕s有咩揀？來荃廣就岩啦，呢到除左crostini之外，仲有近期越開越多分店既twinkle baker décor，款式由可愛嘅蛋黃哥，到女仔鐘意嘅櫻花style都有，總有幾款岩你嘅💁🏻‍♀️港式蛋撻仔$56🥧蛋黃哥真身係粒頗硬嘅朱古力，蛋糕分左幾個layer，綠色嘅係班蘭味牛油蛋糕，班蘭味香濃，蛋糕亦唔dry，白色嘅係菠蘿椰子mousse，呢個味道就唔會太突出，但會令蛋糕整體味道平衡左，而且唔會漏。真係又q又好味呀🥰迷你版富士山$48一開始見到呢個已經心心眼🙈我覺得mini版仲可愛過正常版😍蛋糕入面係士多啤梨流心加白朱古力mousse🍫個人覺得士多啤梨流心味道可以再酸啲，因為白朱古力mousse實在太甜啦🥺迷你版夢幻玫瑰$48🌹雖然唔知玫瑰嘅元素在哪😂但感覺呢個係3款比較下最好食嘅，入面嘅黃桃果凍，海綿蛋糕同埋伯爵茶mousse🍵，黃凍果凍味道唔會好突出，但會中和翻伯爵茶mousse嘅甜膩度😋😋😋

下星期就係中秋節，除咗食月餅同湯圓，大家有冇諗過仲可以食蛋糕？🤤前兩日去Twinkle Baker Decor買cupcake，見到新推出咗中秋節原個蛋糕「望月之秋Moonlight in Autumn」，係期間限定，即刻俾佢靚靚嘅外表吸引住，轉咗買蛋糕返去食🤪晴晴見到個蛋糕好開心😆 即刻唱返首birthday song，佢每次見到蛋糕都要唱，因為唱完有得食🤣 「望月之秋Moonlight in Autumn」原個蛋糕內餡以黑芝麻慕絲夾住薑茶蜜糖同麻糬粒，再與原味海綿蛋糕層層相間，無論外型同切開入面都好靚好吸引😍 蛋糕設計概念係想還原芝麻湯圓的口感與味道，糅合西式甜品製法，把芝麻湯圓與薑湯融入蛋糕中，為中秋帶來另類的滋味🤤

喂呀！真係太好食喇！！！原本諗住有新CupCake出 買少少試下味我喺度影相嘅時候已經忍唔住口食咗一個！呢3個係Twinkle Baker Décor同天仁茗茶合作最新推出嘅三款新CupCake天仁鐵觀音奶茶杯子蛋糕天仁鮮奶綠杯子蛋糕同埋天仁冬瓜茶杯子蛋糕其實我原本唔係好鐘意食Cupcake可能因為踩過嘅地雷實在太多😂但係呢個系列嘅小蛋糕完全令人驚豔佢個蛋糕底都好濕潤 口感好綿密茶味好香濃 上層嘅Cream好細滑順口唔會有好甜好膩嘅感覺 真係好好食！我不斷誘惑身邊親戚朋友去食😂連唔食甜品嘅爸爸都大讚

Twinkle Baker x Ten Ren-The crossover I never knew I needed 😍@twinklebaker and @tenrensteahongkong came out with three new cup cakes that are BUBBLE TEA FLAVOURED!⠀⠀⠀⠀⠀⠀⠀⠀⠀Which one do you want to try?⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀🧁Tieh Kuan Yin Milk Tea Cupcake🧁Green Tea Latte Cupcake🧁Winter Melon Tea Cupcake⠀⠀⠀⠀⠀⠀⠀⠀⠀Also get a 10% discount coupon for @tenrensteahongkong when you purchase these cupcakes-📍Various Twinkle Branches across Hong Kong-