影片
更多
2019-03-17
21 瀏覽
星期日難得休息，出咗去行街搵食😌下午茶呢個尷尬時間，食太飽又驚夜晚食唔落飯俾媽媽話，但唔食嘢又會太肚餓喎🤫所以就係Openrice搵到呢間餐廳，打算一人食個下午茶醫醫肚👻佢哋嘅下午茶配搭10分有驚喜，絕對啱晒選擇困難症嘅我。多種選擇多個配搭，A+B兩樣試晒咁就唔使揀啦🤣 一上枱兩邊嘅份量都唔細🤨 我就叫咗紅燒牛肉麵拼糖心滷蛋豆腐肉燥新竹米粉。牛肉麵係台灣最具代表性美食之一，每次去旅行都一定會食一碗。估唔到香港都食到呢種台灣風味，原汁原味嘅湯底配上牛腱，加埋口感紮實嘅麵條，食起上黎非常過癮！至於糖心滷蛋豆腐肉燥嗰邊亦都非常有驚喜🤫佢嘅豆腐竟然係街頭小食臭豆腐嚟㗎，好有heart! 而且食落外脆內軟，仲有一股熟悉嘅臭味添🤤正~~男朋友都叫左必食嘅紅燒牛肉麵拼雞扒肉燥飯😋男仔果然係要每餐都有飯落肚先安樂。佢都對呢個”太極”食法讚不絕口。一次試晒兩種口味，唔講唔知原來佢今次第一次食新竹米粉，同我地平時茶餐廳嘅好唔同，呢個咬落去有啲似粉絲嘅感覺但比粉絲更有咬口，配埋佢特製湯汁，冇得輸👊🏻本來話食住少少醫下肚之嘛，但因為見到啲小食又貪嘴，所以都叫咗兩款try try🤦🏻♀️ 台式麻婆豆腐。比想像中
佢哋嘅下午茶配搭10分有驚喜，絕對啱晒選擇困難症嘅我。多種選擇多個配搭，A+B兩樣試晒咁就唔使揀啦🤣
一上枱兩邊嘅份量都唔細🤨 我就叫咗紅燒牛肉麵拼糖心滷蛋豆腐肉燥新竹米粉。牛肉麵係台灣最具代表性美食之一，每次去旅行都一定會食一碗。估唔到香港都食到呢種台灣風味，原汁原味嘅湯底配上牛腱，加埋口感紮實嘅麵條，食起上黎非常過癮！至於糖心滷蛋豆腐肉燥嗰邊亦都非常有驚喜🤫佢嘅豆腐竟然係街頭小食臭豆腐嚟㗎，好有heart! 而且食落外脆內軟，仲有一股熟悉嘅臭味添🤤正~~
男朋友都叫左必食嘅紅燒牛肉麵拼雞扒肉燥飯😋男仔果然係要每餐都有飯落肚先安樂。佢都對呢個”太極”食法讚不絕口。一次試晒兩種口味，唔講唔知原來佢今次第一次食新竹米粉，同我地平時茶餐廳嘅好唔同，呢個咬落去有啲似粉絲嘅感覺但比粉絲更有咬口，配埋佢特製湯汁，冇得輸👊🏻
本來話食住少少醫下肚之嘛，但因為見到啲小食又貪嘴，所以都叫咗兩款try try🤦🏻♀️
台式麻婆豆腐。比想像中辣，但辣得過癮。軟滑嘅豆腐配上麻辣汁令人食到欲罷不能😋
麻辣牛肚呢道冷盤絕對係100分嘅佐酒料理🤣 花椒加上辣油等等嘅調教都做得十分岀色。
下午茶餐都幾抵食，加9蚊就可以嘆埋佢杯台式特飲🥰 男朋友就嗌左杯凍嘅桂桂茶，個名好打耳，飲落原來係荔枝桂花茶，清淡幽香又唔會太甜👍🏻
一向養生嘅我，就叫咗杯熱柚子薑蜜。天氣乍暖還寒，一杯薑蜜就正好促進身體循環，加埋淡淡嘅柚子蜜中和番個辣度，係幾好飲嘅😌
以後星期日下午茶又多個好去處啦👻
張貼
