Red Rice 米飯主題餐廳 (六合街) (已結業)

見個門面幾morden咁，就入去試試啦，畢竟新蒲崗唔算多野食。環境係幾靚，大枱細枱都有，啱唔同組合既人黎食。叫左個套餐，但除左熱飲「套餐」既每一樣野都係要加錢...叫左個$49既海南雞飯，實在大失所望，諗住叫得米飯主題，海南雞飯都差極有譜，點知原來真係可以好差。雞，根本就係白切雞，仲要係煮到「鞋」曬，又凍冰冰既白切雞，食落咩味都冇。三個醬料都唔好味，亦唔係海南雞飯應有既醬汁味，雞油飯一啲香味都冇。整體感覺，就好似要挨一碟飯咁......再見了，離題既米飯主題。