胃口好奇怪，有時會突然好想食雪糕，有時又極想食燒味，今日仲奇怪，忽然想食花膠鮑魚，但係自己一個人，有錢都唔會去福臨咁孤單啦！
幸運地，我知道中環威靈頓街最近開了家鮑魚專門店，小食外賣店形式，但又標榜優質食材，百分百現場烹調，燉湯、蒸飯、特色小吃樣樣有幾款，店名 "常歡笑"，有意思！
見到牆壁上的漂亮鮑魚照片就知道自己沒有來錯地方，真材實料自然有價，今日我的午餐要解囊！
鮑魚燒賣 $25/粒
每一粒燒賣上面都有一粒晶瑩飽滿的鮑魚，大啖入口，柔韌味豐富，口感大滿足。
鮑魚雞絲碗仔翅 $35
才$35的碗仔翅，鮑魚都有兩粒，還有很多冬菇絲、木耳、雞絲及素翅等，材料十足，作為午餐非常足夠。
頂級韓國鮮鮑魚燉野菌 $98
招牌燉湯，原盅蒸燉4-6小時，秋意漸濃，是時候補一補。湯清味醇厚，韓國鮮鮑一粒，質感果然更實在，煲過湯依然富口感，但其他材料的精華已經移步燉湯中。
北海道特選牛乳燉花膠糖水 $68
滋陰養顔的花膠糖水，配上北海道特選牛乳更香滑，美味滿足至停不了口，真心喜歡。
環境服務都不錯，絕對不介意再來！
