影片
更多
2017-09-07
955 瀏覽
有時中午想行開吓，遠離返工嘅地方，搭幾蚊地鐵過隔離站搵食。午餐時間呢間手工啤酒吧主打賣漢堡包薯條套餐，連凍檸茶，免加一賣＄68，都幾抵！以為佢日日賣漢堡，應該熟能生巧唔會太差，而近排又唔想食得太heavy，所以違反咗自己一貫嘅原則（第一次嚟食應該食佢招牌漢堡），結果清清哋揀咗個泰式雞肉漢堡。。。漢堡包製作過程看似簡單，好似只係將處理好嘅食材同醬汁一層一層疊上去，但放得靚唔靚，能否融為一體，都好講技巧，特別係蔬菜，例如青瓜、蕃茄、生菜等，如果放得唔好，唔識得利用食材切割嘅角度和醬汁將漢堡扒跟蔬菜以及麵包結合埋一齊，就會變得甩頭甩骨、貌合神離。。。見到個雞肉漢堡上枱，即刻有有上面講嘅嗰種感覺。雞肉較薄身，同門口相片相若，所以冇投訴。但整體來講，個漢堡感覺上同視覺上都好「鬆散」，各樣食材只係放埋一齊，但互相好似並冇連結一樣。雖然餐牌大大隻字寫住係Craft Burger，但麵包嘅質素令人失望，麵包嘅質地係好鬆散，好明顯係由中央工場預製交貨，而嚟廚房翻熱亦無助令麵包變回軟熟。雖然面頭灑滿了芝麻，但識落完全冇芝麻香味。雞肉質地有咬口，醃料味道亦適中，只是略嫌比較薄；蔬菜很新鮮爽脆；醬汁分別是泰式
午餐時間呢間手工啤酒吧主打賣漢堡包薯條套餐，連凍檸茶，免加一賣＄68，都幾抵！
以為佢日日賣漢堡，應該熟能生巧唔會太差，而近排又唔想食得太heavy，所以違反咗自己一貫嘅原則（第一次嚟食應該食佢招牌漢堡），結果清清哋揀咗個泰式雞肉漢堡。。。
漢堡包製作過程看似簡單，好似只係將處理好嘅食材同醬汁一層一層疊上去，但放得靚唔靚，能否融為一體，都好講技巧，特別係蔬菜，例如青瓜、蕃茄、生菜等，如果放得唔好，唔識得利用食材切割嘅角度和醬汁將漢堡扒跟蔬菜以及麵包結合埋一齊，就會變得甩頭甩骨、貌合神離。。。
見到個雞肉漢堡上枱，即刻有有上面講嘅嗰種感覺。雞肉較薄身，同門口相片相若，所以冇投訴。但整體來講，個漢堡感覺上同視覺上都好「鬆散」，各樣食材只係放埋一齊，但互相好似並冇連結一樣。
雖然餐牌大大隻字寫住係Craft Burger，但麵包嘅質素令人失望，麵包嘅質地係好鬆散，好明顯係由中央工場預製交貨，而嚟廚房翻熱亦無助令麵包變回軟熟。雖然面頭灑滿了芝麻，但識落完全冇芝麻香味。雞肉質地有咬口，醃料味道亦適中，只是略嫌比較薄；蔬菜很新鮮爽脆；醬汁分別是泰式甜酸醬及蛋黃醬，同雞肉配搭起來自然產生出泰式味道，但放喺漢堡之中，又變得唔係好夾。
至於薯條，完完全全係失敗！根本係一早查完放咗喺度好耐，只係稍稍微暖，完全唔脆，有啲已經好乾身，表面變得好韌。
檸檬茶只有兩片檸檬，而且唔太甜，就好似喺茶餐廳叫檸檬茶少甜一樣，但呢方面我OK的。
本來，因為我選擇咗雞肉漢堡，所以想下次俾個機會佢再食一次牛肉漢堡，但係因為薯條質素太差，令我有啲卻步。
其實佢仲有賣喇沙套餐，下次再嚟先算。不過佢賣啲手工啤酒就好似幾吸引喎，反而應該歡樂時光過嚟！
張貼
