必食推介首先係「秘製原隻南非乾鮑」，嘩！隻鮑魚厚身到呢，蒸完之後淋上秘製醬汁，咬落去又彈牙又入味，鮑魚味濃到呢，真係食完隻牙都軟埋（開心嘅軟！）。
跟住係「韓國釜山蠔」，每隻都肥嘟嘟，脹卜卜。蒸到啱啱熟，一啖食落去，海水嘅鹹鮮同蠔嘅奶滑一齊湧出嚟，口感滑溜到不得了，完全冇渣，鮮甜到以為自己坐咗喺釜山海邊咁！
仲有「大西洋野生青口」，size唔係講笑，隻隻都大隻肉厚。因為係野生，味道特別濃，蒸完之後殼入面保留咗少少海水同汁，一啜落去，嗰種海洋嘅鮮味直衝喉嚨，真係忍唔住要連汁都飲埋！
成個蒸氣鍋過程都好過癮，可以睇住啲海鮮由生變熟，熱氣騰騰。食完海鮮，鍋底仲有集晒所有精華嘅粥底，嗰啖粥呀，真係鮮到冇朋友！
