三田製麵所 (金朝陽中心二期 - Midtown)

今晚放工去銅鑼灣買野，shopping 完之後就開始想食野了，但今日成日都落雨都唔想周圍行，不過忽然想到，下雨天平日門口經常排長龍既舖頭會不會無人排呢，於是我行咗去登龍街睇下，結果不出我所料，平日咩時候來都門口排滿人的三田製麵所真係無人排，嘻嘻 ，見到咁，我當然咩都無諗就一支箭咁行咗入去啦。

坐下之後就開始睇我要食咩，看看身旁兩枱都是點了沾麵，但我今日想食拉麵，所以就揀咗三田特製拉麵。

這店除沾麵有分小、中、大 ，拉麵也有分中，大，價錢相差$10。

三田特製拉麵($78) - 湯底是用上豬骨、雞骨、野菜和魚製成，令湯汁非常濃郁，而且富有魚的鮮甜，油份比較多但可以接受，入口不會死咸，豚骨跟魚介味兩者亦算平衡得到，味道都算OK。

三田特製拉麵

$78

麵條用上幼身的直身麵條，麵量是普通一人的份量，入口時麵條夠滑身，想不到這麼幼身的麵食落口感煙韌，有彈性。讚喎

叉燒只有一塊，厚度適中，看起有點乾身， 入口肉質還未算得上"鞋"口，但食起來比較乾

筍絲入味，帶點爽脆，幾好.

拉麵本身沒有菜，於是我另外加了野菜

(溫）野菜 ($10) － 只屬一般野菜，無乜特別。

(溫）野菜

$10

最後來一杯啤酒 ($38)

啤酒

$38

如果下次唔駛排隊我會來試埋個占麵