「喂呀！未影相呀！」
香煎趣邊蛋肉餅飯 $40
肉餅入味又夠冧，加埋蛋黃同埋秘製豉油，一齊入口真係一個天衣無縫嘅配搭！超好味，最後仲忍唔住嗌多塊淨肉餅！再追加肉餅飯外賣聽日返工做lunch！真係唔係誇張，必叫！
滑蛋叉燒飯$38
滑dodo嘅滑蛋包住說切絲叉燒 ，加埋秘制豉油，呢個組合又係不得了！ 好耐冇食過咁平民價錢性價比咁高嘅飯仔，雖然量唔係好多，但味道非常吸引！
招牌炸雞翼$25
喂吖！隻隻雞翼脆卜卜又入味！
小籠包胡椒湯$40
四粒小籠包非常Juice，一咬爆汁！
個胡椒湯係星加坡風味，辣辣地，入口喉嚨暖笠笠非常舒服。冬天要黎飲多碗先得！
另外裝修夠獨特，加埋background 陳年舊歌，別有一番風味！同埋店員們都非常有禮又幫忙，加分加分！
