立鮨 (Tower 535)

營業中

休息中

日本壽司在香港好受歡迎，不同檔次大小嘅壽司店林立於銅鑼灣，今日約埋舊同事一齊試吓立食壽司。店內環境頗為寬敞，每個立食位下方都有客人放袋嘅空間。見有期間限定和店長推介，於是被小食吸引咗，鮟鱇魚肝甘香幼滑，入口溶化，肥美。北海道活象拔蚌並非刺身，好像略經汁煮調理，口感軟脆，味道鮮甜，喞少少青檸汁更好味。好彩早到，食到最後一隻香箱蟹，師傅將蟹拆肉再以蟹蓋盛載，唔駛自己搞，食起嚟好方便。蟹肉好鮮甜，有兩種蟹膏，一種軟滑甘美，一種嚼後齒脥留香，仲有一排排脆卜卜嘅蟹籽。白子啱啱返貨好新鮮，面頭輕炙過，口感軟滑唔鯹，好好味啊牡丹蝦燒配蝦膏壽司，蝦肉爽糯鮮甜，加上櫻花蝦嘅香脆，蝦膏軟滑，夾埋就多重口感，多重享受，好味原隻活赤貝壽司，赤貝肉質鮮爽，與壽司飯好夾。油甘魚腩壽司，油甘魚肉質油滑，脂香味美。原隻磯煮鮑魚好吸引，煮好切好放在鮑魚殼上，鮑魚煮得剛好，柔軟有嚼口，味道鮮香整體食物質素高，環境也舒適，其實立食都唔錯。