吉壽日本料理 (已結業)

旺角嘅放題有好多選擇，今次就揀咗一間喺地鐵站隔離搭lift就上到去嘅吉壽日式放題。一早已經訂咗位，唔使點等已經好快可以入座，裏面好大，除咗餐牌上嘅食物可以點選之外，仲有好多自助區，包括飲品，前菜沙律，熟食，甜品等等各式各樣。一定要睇吓佢嘅壽司同埋手卷，細細份唔會食到好飽，可以留返個胃口嘗試其他食物，而且火炙三文魚同埋左口魚變又香十足，新鮮好吃。牛油粟米，燒雞皮、雞軟骨，忌廉帆立貝唔都係細細件，估唔到燒得幾香，牛油粟米仲有啲蜜糖細細的，可以過吓口癮。蟹粥，炒雜菌，雞翼天婦羅等等，都相當出色，蟹粥裏面分量十足仲有我最鍾意嘅粟米，炒雜菌不會太油膩亦不過火，雞翼天婦羅等炸得香口外表金黃香脆。甜品方面都有好多選擇，仲有啲係比較有特色係日本嘅甜筒，朱古力味都可以試吓。