真‧章魚無雙 (已搬遷) 新店位置

我係一個超中意食章魚燒既人，邊到有章魚燒，我都會去試，係大阪8日有5日都有食章魚燒章魚燒夠唔夠靚？我個人就中意外脆內軟，醬汁唔會太甜，木魚皮夠香同入面粒章魚夠大粒夠咬口，而章魚無雙就滿足到我呢d願望。呢到既選擇好多，但第一次食，我都係簡番原味啦真係太驚喜啦！！！！！！原本我覺得$2x/6粒既章魚燒有d貴，但食完之後係覺得值得的。首先佢唔單止滿足到我上述對章魚燒既要求，佢粒章魚仲要係差唔多原隻咁，非常之彈牙每粒都脹卜卜熱laat laat! 朋友食左明太子味，都大讚好味，明太子味夠濃，又唔會好咸。會再光顧