正宗上海生煎皇 (已結業)

今日黎到係銅鑼灣時代廣場對面既上海食店，我地叫左小籠包，一客有四隻，即叫即蒸，小籠包送到黎非常新鮮，咬開個頭先飲一飲裡面既湯汁，味道鮮甜，枱上面更加貼上正確食法，非常貼心。我地叫左芝士小籠包，覺得好創新，入面係有一點芝士，食落口味道幾特別。生煎包大隻，入面足料，夠肉，又係即叫即蒸，非常新鮮，主餐係四川担担面，叫左加辣，面裡面足料，好食，夠麻辣。後尾我地仲叫左碟生菜同兩杯豆漿，埋單都係二百元，非常抵。