金記冰室 (已結業)

呢日同一班朋友來此暢聚，食物好味種類多，略評如下:1. 梅菜回肉：豬肉夠腍，梅菜不鹹，味道剛好，送飯一流，可能遷就健康人士關係，扣肉偏瘦，多些肥肉更佳，價錢$88能減10元更適中2. 蟲草花蒸雞：雞件很滑口，夠入味，配蟲草花夠香又清新，汁料好味，尚算不俗3. 魚香茄子燜牛仔骨：牛仔骨燜得夠腍身，嫩滑，茄子同樣出色，整體合格有餘4. 泰式可樂豬扒：這個絕對好正，豬扒經過可樂的化學反應，效果特別，入味，豬扒無渣，份量夠，好正5. 蒸紅鮪(忘記影相)：魚身約一欣剛好，肉質滑口，鮮味十足，配料加魚汁好好味，可連送兩碗大飯食物好食，菜單仲有好多，下次再試