泰廚泰國菜館

呢間位於金魚街附近嘅泰國菜館，開咗好多年，我成日都經過，但今日先係第一次入去品嚐下佢嘅菜式

多優惠👍

《每満$200》可以加$1多一個餸，超抵食👍

《1蚊任選一款》：每食滿$200就可以用一蚊揀以上一個餸，我覺得呢個超抵食，相當於打咗個七折俾你

真材實料，真係好大隻蝦👍

$75

首先出場嘅係冬陰大頭蝦湯，顧名思義就梗係有隻大頭蝦啦（估唔到咁鬼大隻）其實只大頭蝦仲有好多肉，簡直係買大送細啊，抵食

燒得啱啱好，肉嘅肉汁仲保留係入邊，必試👍

$20

我本人就幾鍾意呢串和牛串燒喇，一入口牛肉肉質鬆軟，有牛味，加上分布平均嘅脂肪層，識落有種入口即溶嘅感覺（可能形容得有啲誇張😅但真係唔差）

厚燒，啖啖肉😍

$20

呢個燒豬頸肉串，佢厚切咬落去啖啖肉，啱晒食肉獸嘅小弟

呢個燒豬肉，我推薦要半肥瘦豬肉，燒出嚟更加野味👍

$12

佢同出邊其他燒豬肉串有啲唔同，就係佢有半肥瘦（記住落單前同佢講聲先)，外層脆脆地，加上燒香左嘅脂肪，感覺好似食緊豬肉乾一樣

薯粉彈牙，肉碎夠多，加埋個冬蔭功，夠兩個人食之餘，仲可以慳返一個冬陰公湯，超抵食👏👏

$55

呢個又係抵食出色之選大碗嘅冬陰公湯，每一啖湯都有滿滿嘅肉碎，再加上彈牙嘅薯粉，一次過滿足晒你三個願望如果order呢個薯粉，其實可以叫少一個冬陰公湯，因為佢啲湯真係好大碗

1

滿$200加$1，一個字講晒「新鮮爽口」👏

$1

泰式木瓜沙律，雖然只係加$1蚊換呢個菜式，但係都幾大碟，木瓜絲爽甜新鮮加上有少少酸辣味，絕對係開胃之選

用新鮮菠蘿榨汁，必試👍

$24

菠蘿冰，用新鮮菠蘿榨汁，果然味道係唔同啲比一般用罐頭菠蘿嘅菠蘿冰，更加清甜
總結，無論以價錢或質素來講，都必定會再試