媽咪雞蛋仔 (已搬遷) 新店位置

媽咪雞蛋仔真係由紅磡開始食，越食越多地方有得食，而且味道越來越多，連包裝都高級埋！以前無咁多味既時候，朱古力同芝麻味係我的至愛，依家竟然出埋伯爵茶朱古力味😍😍😍一上手暖笠笠🥰一咬落去，外脆內軟，而且好香伯爵茶味同埋朱古力的甜品❤️真係好好食！令人忍唔住一粒接住一粒咁食。食到一半先醒起叫左杯熱咖啡😂飲埋咖啡，奶味濃厚，配埋雞蛋仔食真係一絕！👍食完雞蛋仔同飲埋咖啡都已經好飽，見到佢仲有格仔餅，已經諗好左下次食金莎醬格仔餅！相信都好好味🤤🤤🤤🤤但今次真係太飽🤭