真‧章魚無雙 (已搬遷) 新店位置

章魚燒，或者會叫章魚小丸子，真係由細啲街邊檔食到大。喺葵廣有檔章魚燒好出名，所以有日去葵廣都特登食一次佢。呢隻算係叫做原味嘅章魚燒。粒粒都好圓好飽滿，隔離啲鰹魚碎都好多，多到好似唔洗錢咁😂😂上面嘅醬汁同紫菜碎都好足夠。因為係新鮮整起，每粒章魚燒都係好熱，真係要小心啲先食。章魚燒用料充足，每粒入面都有一隻章魚仔，唔係求其俾粒好細粒嘅章魚粒就算。而且味道都好好，入面有啲鹹味。不過呢間店舖都好多人幫襯，所以都要等一陣！