僕之拉麵 (已結業)

放工去左旺角呢間拉麵，真係快靚正。喺未食到日本正宗拉麵之前，就可以喺香港試吓呢間正宗日本拉麵。我同老公就一人叫咗一碗拉麵，再加啲小食。叉燒拉麵個湯底真係超級豬骨濃湯，好味到我飲晒佢。碗拉麵嘅麵質真係好爽，我鍾意佢唔係嗰啲粗身嘅麵條，但係又唔會煮到好生。豚肉係薄切嘅，所以同個濃湯真係夾到絕，入晒味。再加上碗麵配搭嘅蟹柳（唔係普通細細條超級市場嗰啲蟹柳，係一大揪嘅蟹柳）配埋好似有少少醃咗味嘅溫泉蛋。成碗麵真係回到日本feel。炸雞今日就係咁啱想食炸雞，舊舊都啖啖肉，炸雞唔多粉，所以都係好用心嘅製作。今次因為要揸車，所以唔可以飲酒，但如果可以配埋啤酒就真係正到絕。炸章魚呢個選擇都唔錯，炸章魚都係一樣係用新鮮嘅食材，良心之作。啲粉一樣唔多，所以可以食到本身嘅味道。餐廳環境都係有少少似日本嘅拉麵店，喺未可以0+3之前都可以嚟體驗一下日本風情畫。