靠得住粥麵小館 (已結業)

夜晚去食，晚餐時段人多，不過等大概10分鐘就入得。叫左套餐，有蒜蓉粉絲蒸蝦配白粥+芥蘭，另外叫左個心肝寶貝粥同鹹魚蓉芽菜。個白粥好綿，蒸蝦好多蒜蓉+粉絲，開邊蒸方便食，好惹味。心肝寶貝粥有帶子同黃沙潤，帶子唔多，不過大大粒又好有鮮味，而且夠熱，冬天食岩曬~芽菜爽口，有鹹魚蓉一起食，幾香，可以送粥。店員服務好，姨姨好有笑容，仲吹左陣水，坐好耐都無比人趕。食左2百幾左右，唔平，不過d質素抵番，無邊到有咁大粒帶子😂。份量岩岩好，唔會食唔曬。