靠得住粥麵小館 (已結業)

以前都幾鍾意去靠得住食飯，晚上小菜嘅選擇都好多！但疫情過後，餐牌上嘅選擇少咗！包括唔同時段都係，相對上嘅吸引性係少咗。以前出名嘅芽菜雞無左，變左隻東江咸雞？其實都唔知佢米芝連個名係點樣拎得到😅😅😅😅今日喺附近睇醫生，就去咗食下午茶叫咗個蠔仔粥同混醬腸粉蠔仔粥不夠新鮮，並帶有一點腥味。加左彊絲葱都辟唔到腥味。混醬腸粉添加了豬油、豉油、甜醬和麻將芝麻的腸粉！一定好食！其實以往下午茶會有心肝寶貝粥宜家都無左變咗早餐下午茶晚餐嘅選擇都少左好多應該都好少會再去幫襯小總結❤️📌質素下降

可能違反商品說明條例，羊腩煲跟本沒有煲，只能說是小菜一份，但跟一份沒有煮的生菜，非常奇怪，職員還問要熱上還是凍上，有誤導成份，與堂食有很大差別，希望盡快改善免更多人中伏

有驚喜，有一晚喺屯門市廣場入佐靠得住，見到門口有羊肉煲套餐，因為我同我朋友好鍾意食羊，所以入去試吓，出嚟個羊腩煲個爐好古色古香，羊肉好淋好入味，還跟一碟生菜，嘩，蒜蓉蝦好有驚喜，啲蝦好大隻，好夠味又夠爽，我們還叫咗一個手作煎釀豆腐客家風味十足蘋果紅茶我都係第一次飲，好香蘋果味員工服務都好好，見佢哋都好繁忙唔止照顧客人需求外，周不時過來幫哋加水，加湯～仲幫我哋影相📸️，真係忍唔住畀返個like 佢哋值得推薦嘅好去處之一

當天我下午叫外賣，見到堂食好多人排隊，原因係做緊特價優惠，當其時員工都好盡力照顧在場每一位食客，我以為買外賣都要等好耐，點知比我想像中快，所以覺得店鋪員工除咗對堂食客戶亦都照顧及外賣嘅客人👍👍👍

點餐的時候，特意問過店員，那一款炒飯比較適合三歲小朋友，店員推薦，印尼肉碎蝦仁炒飯，隨即便詢問，這款不是辣嗎？店員都說OK冇問題重點是 來到的時候，這款印尼肉碎蝦仁炒飯，是咖喱炒底，不要說肉碎，蝦仁bb 都只有3隻，跟店員再確定多一次，確定沒有來錯，忍不住詢問，肉碎在哪？店員誠實告知，這個飯沒有肉碎的，是肉鬆來的🙂好吧，肉碎跟肉鬆我都沒有，店員唯有補給我再說粥，偏重口味，重味精，食完飯都要飲幾噸水油炸鬼，就真係乾爭爭，真係未試過咁難食既油炸鬼，成個口感都係硬再俾我揀多次，寧願行多幾步去坤記🥹

難得今天是佛誕，就去感覺不太靠得住的靠得住再試一次。 唉⋯ 一進門就被安排坐去邋遢的廚房門口。沒有其他位置嗎？ 不是，還有很多空座，但阿姐話就你坐就坐喇，都是一樣的座位。啊！ 阿姐啊！ 難道妳覺得每個座位都咁邋遢，真心覺得只係廚房門口啲位比較邋遢，其他還可以。我決定自己換位，坐卡位。慶幸冇人干涉我，成功換位。 看了看餐牌，自行用app點了沙爹公仔麵、多士炒蛋、奶茶。 上餐算快，但親愛的阿姐，檯面係俾我用餐的，你可以在擺下碟、碗和奶茶的時候想想個客用餐的方便嗎？No！ 阿姐最重要係擺低嘢，求企推開啲嘢，擺低就算。結果呢？ 奶茶在你左邊遠處、多士在靠近我屋企人的正前方、面係屋企人的左手邊。 靠！ 要自己重新排返好啲嘢！哪食品呢？ 不值一提，要不就諗起都唔想食。我保證，想減肥的話，天天去幫襯，你一定減秤！因為奶茶冇茶香、炒蛋係油泡蛋，而麵係清晨已用滾水泡過，排列整齊如剛拆開包裝的麵餅加類似牛肉的沙爹牛肉麵。 天啊❗️ 這是佛誕假日的早晨啊！ 怎麼這麼倒霉？！ 永不幫襯！ 但希望有人會欣賞你吧⋯⋯

環境：光猛潔淨，入座人數有7大2小，安排了大圓檯，座位與座位之間闊落，冷氣略為太凍。服務：服務員態度有善，上菜速度快，建議逐個菜叫，避免令餸菜變凍。魚湯浸勝瓜- 魚湯是濃湯寶，湯是濃郁，但魚味冇乜，餸料有木耳、雲耳、勝瓜，份量充足客家黃酒雞- 整個菜只有酒味，雞件少，價錢偏貴，感覺不值咕嚕豬頸肉- 味道標準，酸甜味適中，豬頸肉夠淋，炸得夠脆，份量略少西芹炒蝦球- 蝦球夠大彈牙爽口👍🏽，西芹冇渣爽口，份量略少清蒸石班- 魚肉蒸得剛剛好，魚肉不會痴骨和滑口👍🏽豬雜粥- 粥夠綿夠香，味道濃郁，餸料份量充足，豬腰爽豬肝滑豬粉腸唔蘇👍🏽👍🏽

餐廳名係「靠得住」仲寫有「米芝蓮」推介心目中食品應該不會太差但一入門口做收銀既侍應態度 感覺已不太好叫左碟時菜排骨炒河 加杯凍檸茶等左20分鐘上菜想叫侍應拎隻匙羹 一直唔見有侍應行過一直等 唯有叫上菜姐姐幫忙先拎到😅🔸時菜排骨炒河 一入口超咸😫 d汁滿滿咁淋係河粉上唯有頂硬上照食啦 食左一半 無辦法食下去了😓見餐牌食品價錢偏貴 今次覺得味道又麻麻聽聞呢間粥唔差 比較好食 可能廚部炒粉麵方面稍遜一點🤔要再下次幫襯就會知😂

【前言】曾幾何時，靠得住係我同papa二人行嘅必食飯堂， 我仲不至一次，同港島區同事講屯門靠得住係最好食。直到（2018年？）屯門靠得住店新裝修之後，食品質素、服務態度屢創新低；價錢卻每次都微上調，我都默默怪疫情對香港飲食業界經營帶來的打擊。 直到上星期，我們再到靠得住屯門店lunch，我從心底覺得…這次應該是最後一次到訪了【入座環境店鋪情況】 星期六嘅下午4點，店內吉位超過半數， 我們推著bb車在外足足等了五分鐘後，店員斯斯然走過來，揮手一指我們去二人枱。 該區有四張二人枱，每一張中間相隔大約30 cm的距離，僅僅夠拍嬰兒車。 如果入座率超過八成的話我非常理解，亦不介意，；但我環看四周的空位上，都有剩餘的冷飯菜汁沒有收拾，…原來店員都在忙著閒:。 【兩個午市二人餐】豬軟骨撈麵…有豬軟骨嗎？我吃不到軟骨 。最初以為軟骨是煮溶了，但吃下去發現肉質還是一絲絲一條條，非常攝牙，可想而知這不是豬軟骨的部分配靠得住鹹肉粽…還是品牌的味道，工廠製造的 口味不會有偏差，但是鹹肉粽沒有全熱，中間只是微溫梅菜扣肉飯… 扣肉非常咸，一啖扣肉四啖飯， 肉質非常粗糙， 我也只吃豆豉油和鹽的味道意米水… 非常甜

平時我都好鍾意食粥😋所以去到唔同地區都會周圍去試試下佢哋食粥好唔好食🤔喺屯門返工，同事帶咗我去呢一間餐廳見到佢哋有粥食，就諗住試吓食佢哋嘅拆骨鮮雞粥 加 混醬腸粉味道方面都叫做中上👍🏻但係老實講價錢方面就偏貴少少拆骨鮮雞粥呢個我覺得喺其他舖頭未必食到嘅因為佢啲雞真係淡淡都係肉😋混醬腸粉腸粉方面佢上既時候就落豉油俾你其他醬汁都會比你自己落口感方面都叫做算係滑嘅😗依家經過屯門有時都會想食下🙈

攪兩攪準備食，未食先發現昆蟲，成碗掉左，已經先在ig inbox，但同樣令人失望，完全冇人回應。已經冇野想講，只想講極之失望。家人因腸胃炎想食碗粥，整個晚餐就沒了。

裹蒸糉是淡而無味的。蓮蓉鹼水糉味淡而蓮蓉小。平時到這處食午餐，下午茶或晚餐，也有食過佢地既糉，覺得好好味，於是今年就放棄美心去買靠得住既糉，但太失望了。而且，係中國制造的啊！所以更加失望，唔係話中國制造就唔好，而係靠得住話哂拎過米芝連，以為應該會本地制作啫。連人地大家樂都註明係make in Hong Kong 啦。

話說昨日和同事一起去咗屯門市中心揾嘢食，行過一間叫靠得住便入去。 入到去可以用QRcode 點餐，食品如下香辣海鮮炒烏冬，好味牛丸牛腩米轉咗麵跟油菜一碟， 一碟白灼腰膶同一碟醬油皮蛋。 香辣海鮮烏冬係同事食所以唔知味道如何，好味牛丸牛腩麵 一啲都唔好食 牛丸唔夠大牙 牛腩太細舊得嗰兩三嚿啲麵太幼唔係鹼水麵冇口感， 白灼腰膶，只得三嚿要三嚿潤買到五十幾蚊一碟太貴， 醬油皮蛋，大約有一隻皮蛋左右算係好食嘅，買廿幾蚊一般啦， 唔算太貴。 倆個人 兩個人埋單二百一十七個幾 平均每人有一百蚊 呢個下午茶真係好貴。

好耐無幫襯，今日早起出市中心，食個早餐先。原來以前$38-39，已經加到$43，貴左少少，可接受唔係日日食。但食食下收碟個亞姐問都唔問收左我碟野（仲有三分一多士，兩啖炒旦。我望住佢，佢啤返我，算～亞婆唔同佢嘈，唔想影響人冇咗份工，不過一早就好不爽，應該會更加少嚟幫襯

兩個餸$130講真吾系貴，但質量可吾可以認真小小，至少可以放入口啊！鹹到餸飯都吃吾落！攞命！🤬🤬🤬！而家呢個時候咁差既環境都會出到呢D差成咁既工夫！點請人嫁？講多樣啦！對客人既細心，講真冇，都吾知請D乜嘢人！成間一個字講曬~差~，兩個字形容~好差~！