燒味滷師 (安發大廈)

營業中

休息中

禾田滷水鴨半隻$60至尊燒鵝（上庄） $110客家鹽焗雞半隻$30燒味老叉燒$50今天晚餐好想食燒味,同事介紹一間燒味滷師話唔錯質素,我買咗幾款招牌菜,一款和田滷水鴨,雖然係半隻但係份量頗龐大,自家調製滷水香料,獨特芳香撲鼻,啖啖肉汁豐盛,每件都均勻地載滿滷水香料,恰到好處。另一款招牌菜就係至尊燒鵝,眼見已經流曬口水,燒鵝皮脆卜卜,肉質柔韌兼備,當你一大口放進嘴裏,肉汁滿滿地湧進口腔,果然名不虛傳。我都買咗鹽焗雞同埋叉燒,試過之後原來兩款都不遑多讓,每件鹽焗雞肉都非常滋味,肉質非常幼嫩,雞皮爽滑。佢嘅叉燒都好吸引,外皮燒得閃令令又蜜味,肥瘦配合得啱啱好,價錢好合理,的確係唔錯嘅選擇。