影片
更多
2019-10-17
67 瀏覽
做左兩個鐘頭運動，約左男友黎試呢間餐廳，餐廳好有趣同越南野個邊兩間打通，中間有度門俾侍應兩邊走出餐，非常佩服餐廳老闆既諗法，好精明👍🏻而且感覺好有活力。餐廳裝修設計顏色鮮明醒目，啲位都幾好坐，客人絡繹不絕，都好夠位坐。黎到咁啱係下午茶時段，睇到下午茶餐牌後面啲小食勁平，咁辛苦做完運動，諗住唔食粉麵食清啲，簡左好幾樣小食想食，叫左侍應黎落單，點完一輪菜先知原來個餐牌小食價係跟餐價黎既，諗諗下都係轉返正餐抵啲，又諗左陣，十分唔好意思。最後我地叫左一個海南雞午餐，同一個海南雞摻摻。海南雞餐外觀一睇已經好吸引，食落非常之滑，啲醬都好好食，個平平無奇既薑油，都非常之香口。個摻摻好好食，材料豐富，有粒蛋，四粒好厚肉既豆腐卜，好多雞肉，米粉摻雜左啲油麵(唔知叫摻摻係咪因為咁解)，好好食，令原本諗住唔食澱粉質既我，不知不覺食晒，仲唔夠喉係度了啲碎濕濕粉食。加左一個柚子沙律，非常清新，仲要好大碟，我覺得點既小食價錢非常之抵。蘿蔔絲餅，黎到得一舊，但都大舊既，我地一人分一半食，估唔到味道非常之香口，同個食燒鵝會點既甜酸醬非常之夾。一杯青檸檬茶，同咸青檸水，非常之大杯好飲。總結呢間食店，質素高，有驚喜，有心
餐廳裝修設計顏色鮮明醒目，啲位都幾好坐，客人絡繹不絕，都好夠位坐。
黎到咁啱係下午茶時段，睇到下午茶餐牌後面啲小食勁平，咁辛苦做完運動，諗住唔食粉麵食清啲，簡左好幾樣小食想食，叫左侍應黎落單，點完一輪菜先知原來個餐牌小食價係跟餐價黎既，諗諗下都係轉返正餐抵啲，又諗左陣，十分唔好意思。
最後我地叫左一個海南雞午餐，同一個海南雞摻摻。
海南雞餐外觀一睇已經好吸引，食落非常之滑，啲醬都好好食，個平平無奇既薑油，都非常之香口。
個摻摻好好食，材料豐富，有粒蛋，四粒好厚肉既豆腐卜，好多雞肉，米粉摻雜左啲油麵(唔知叫摻摻係咪因為咁解)，好好食，令原本諗住唔食澱粉質既我，不知不覺食晒，仲唔夠喉係度了啲碎濕濕粉食。
加左一個柚子沙律，非常清新，仲要好大碟，我覺得點既小食價錢非常之抵。
蘿蔔絲餅，黎到得一舊，但都大舊既，我地一人分一半食，估唔到味道非常之香口，同個食燒鵝會點既甜酸醬非常之夾。
一杯青檸檬茶，同咸青檸水，非常之大杯好飲。
總結呢間食店，質素高，有驚喜，有心做，材料豐富夠闊綽，好值錢幫襯，我仲好期待下一次再去試下佢其他款式餐同咁抵既小食。
張貼
