首首.韓式小館 (已結業)

泡菜海鮮煎餅係食韓國野必選啦！雖然唔算好大份！不過兩個人食都差唔多啊！有泡菜既味道！好香！ 少少辣！仲有好鮮既海鮮係入面！有魷魚同大蝦！旁邊既火箭菜撈左芝麻油！好香又好有韓味！見到個牛肉餅好吸引就決定試下啦！有大大舊牛肉餅膽巨型年糕！巨型年糕係烤過既！烤完上面再加左蜜糖！年糕好好食啊！夠哂煙韌好好口感！個牛肉餅上面有芝士！入面又有d蔬菜粒！除左食到牛肉個味道同汁之外！仲食到一粒粒甜甜地既蔬菜！依個豬腩肉都好好食啊！佢係用酒燜過既！凍凍地又有酒香味啊！旁邊係調左味既紫蘇葉！加埋d菜同豬腩肉包埋一齊食好正！有調味既濃味！但又有紫蘇葉同菜既清新！