日本野 (已結業)

.刺身7品盛 $328二人份量，有三文魚，油甘魚，海膽，八爪魚，牡丹蝦，帶子同埋活赤貝。都算係厚切，好新鮮，海膽唔腥，帶有降甜味。牡丹蝦好鮮甜，肉質彈牙。蔥吞拿魚醉三文魚籽飯🍚 $128 份量唔算好多，一個男仔未必夠食，上面都有唔少三文魚籽，好鮮甜。吞拿魚蓉入口即溶🤤。壽司🍣叫左火炙芝士蟹棒$22 ，火炙三文魚$26，同埋海膽 $88。壽司飯實咗少少，不過海膽依然解甜唔腥，好高水準。牛油果軟殼蟹卷🥑 $88 份量好多，有成8舊，壽司面有牛油果之外，入面個餡都食到一大片牛油果，好足料。軟殼蟹夠香脆😍。set dinner：石燒吉列降霜牛小排🥩 $178Set仲會跟埋一碗日本米飯，一杯可樂，一隻溏心/溫泉蛋，有一細份蟹子沙律，都幾抵食。溏心蛋有流心效果，咸甜適中。吉列降霜牛小排雖然唔係用日本牛，不過牛嘅紋都好靚，吉列外皮夠脆，每邊煎15秒夠晒。跟餐仲可以配個鰻魚玉子$38 /3件，呢個價錢有鰻魚食到算係咁。玉子夠厚又熱辣辣，好滿足🥰。