炊豕店 (加路連山道)

星期六約左D朋友食lunch行下街，順便試下新野食。小編好耐冇出銅鑼灣搵食，所以好多近年開嘅餐廳都唔識同未聽過。朋友就話呢間好出名又要排隊，應該幾好食，所以我地就一齊去左試下。

我地成兩點幾近三點先去到，諗住避左個lunch time，點知條龍都好長。不過大家一場黎到就梗係照排，費事再諗。我地多人，所以排左差唔多大半個鐘先有位。

間舖唔大，入面座位數量相對較少，不過唔會坐得好辛苦。

排緊隊嘅時候我地就睇住menu同揀住野食先，慳返D時間之餘又可以快D有得食。

以店舖面積黎講佢嘅選擇唔算少，仲有唔少小食揀。呢度當然係食豬肉為主，所以飯嗰D多數都係以配唔同嘅豬肉。

我地想試多D唔同野食，所以淨係叫左兩個飯同埋幾個小食。

當然唔小得小編最鍾意嘅叉蛋飯。呢個叉蛋飯好足料，而且D蔥油好香，叉燒切左粒連埋D蛋同飯一啖一啖咁食落口，好滿足 叉燒同蛋都唔會咸，味道好夠，啲料夠餸哂D飯。

1

加了滷水蛋($8)

$52

呢個炸豬扒飯算係signature dish，見好多人都食，即管試下。炸得好香，D豬扒本身好鬆軟，連埋炸漿食，好滿足。見倒師傅整野食嘅時候個樣好認真，果然整得好好食。味道啱啱好，唔會咸。個咖喱汁唔辣，佢本身分開上，可以按自己喜好咁樣夾埋啲飯餸一齊食。我地仲加左煎蛋同厚餐肉，好香口

加了厚午餐肉($10)、煎蛋($8)

$60

滷水雞翼好出色，好入味，滷水味好夠，大隻得黎唔會太多肉，有驚喜嘅感覺

滷水雞翼

$24

個海蜇都唔錯，幾爽口，不過雖然話係辣嘅，但如果可以辣D同冇咁咸就會再好食D。

1

辣味海蜇

$20

麻辣炸熱蛋炸得好香，得麻味多過辣，朋友唔食得辣都食倒。

麻辣炸魚蛋

$20

小編就加左杯熱柚子蜜飲，唔會太甜但好香，食完煎炸野飲返D熱同甜野幾舒服。

整體黎講用餐體驗良好，食物價錢唔算太貴，但質素係好嘅，同埋真係好大份，夠哂飽。溫馨提示，每人最低消費係$40。