飲茶 (英皇鐘錶珠寶中心) (已結業)

作為一個old soul，不嬲都好鍾意去酒樓飲茶食點心，但係同輩食飯就比較少，近年飲茶嘅冒起的確令到機會多咗。其實點心唔需要太花巧，好食就OK，飲茶嘅點心屬於中上，尤其包類做得相對出色，已最出名嘅奶皇包為例，奶黃流心之餘蛋味亦都非常濃郁，而且係勝在造型夠特別，吸引唔少OL朋友去影相。叉燒包用豬嘅造型都幾風趣 相對於點心，我比較欣賞佢哋嘅茶，並唔係得普通茶樓常見嘅普洱或水仙，當中紅棗同菊花都好值得推薦。可能因為目標客戶比較後生/多女仔，點心以外嘅小菜份量唔算多，大食嘅朋友要留意。