蝦麵店 (希慎廣場) (已結業)

係希慎廣場行街，下午茶見有啲肚餓，就上咗去11樓food court 睇吓有咩嘢食，見到都幾多人食蝦麵店，就打算試下，我地兩個人叫咗白胡椒肉骨油條同埋咖哩喇沙湯配海鮮摻摻白胡椒肉骨油條有一大舊肉、半條油條、豆腐卜同埋芽菜，個湯好好飲，都幾重胡椒味，飲落會覺得係真材實料，唔係味精。咖哩喇沙湯配海鮮摻摻呢個湯底都唔錯，有少少咸，唔會好辣，咖喱味同埋喇沙味都好平均，材料有蝦、豆腐卜、魷魚、青口等，都好足料。