蝦麵店 (希慎廣場) (已結業)

係希慎廣場行街，下午茶見有啲肚餓，就上咗去11樓food court 睇吓有咩嘢食，見到都幾多人食蝦麵店，就打算試下，我地兩個人叫咗白胡椒肉骨油條同埋咖哩喇沙湯配海鮮摻摻白胡椒肉骨油條有一大舊肉、半條油條、豆腐卜同埋芽菜，個湯好好飲，都幾重胡椒味，飲落會覺得係真材實料，唔係味精。咖哩喇沙湯配海鮮摻摻呢個湯底都唔錯，有少少咸，唔會好辣，咖喱味同埋喇沙味都好平均，材料有蝦、豆腐卜、魷魚、青口等，都好足料。

蝦麵店不嬲都食開，下午茶已經唔貴，仲要儲分減到$20！希慎分店比起灣仔地鋪方便就腳很多，而且下午茶基本有位很方便，夠大又坐得舒服😌。佢有得入會儲分，食兩三次左右，就可以換到優惠卷或者小食，好抵食，小食份量都唔少。食物質素好就唔洗講啦，食左咁多年都保持好水準，蝦面湯超級香濃，微辣惹味剛剛好，本身有鮮蝦的甜，又有瘦肉的濃，配埋摻摻兩溝又夠正宗，芽菜通菜爽口大大條，一試難忘，係會令人食到上癮。好難得有用心做麵又無坐地加價，睇見收據上的短字句更加暖心，真係令人又想回頭幫襯。

黎到hysan行完街街又肚餓，上到foodcourt好多選擇！我就緊係搵間黃店黎食啦！蝦面店就係其中一間喇！蝦肉肉片河粉$58呢個餐就有小小辣既，係BB辣黎既，超超超微辣，怕辣既朋友都可以試下呀！蝦肉同肉片都好多呀！真係鋪漏晒成碗面，但啲蝦又唔會腥，有咬口。河粉既份量都超多！又彈牙！好食！差啲食唔晒！同埋個湯底真係好好食！好有風味，又岩香港人口味！讚！蝦肉魷魚面$64呢碗就一樣材料超多，魷魚都係大大舊嫁！唔會腥，蝦肉係有少少風乾過既，魷魚就係魷魚片，都唔會腥呀！好食！雞翼跟餐加左個小食雞翼，有兩隻，唔大份，燒完少少乾，但呢個價錢我都收貨呀！叫做抵食炒菜叫左個菜平衡下營養， 反而個菜幾大份，同埋炒得唔油，同埋啲菜算新鮮，好抵食！

本來想吃的餐廳沒吃到，轉輾來到希慎廣場的foodcourt，才知道這裡有我一直想試一試的蝦麵店，算是不幸中之大幸😆點了一份辣蝦湯海鮮摻摻，說真的蝦湯比我想像中沒有很濃的蝦味，只有很濃的咸香帶少許辣；摻摻的質地不錯，不會太軟太硬，但麵的份量不多，女生應該剛剛好，男生的話就要多點一份小食了；青口和蝦都明顯是普通急凍海鮮，沒有特別；蟹柳是在超市買到的蟹柳的八分之一大小，感覺過於寒酸😅 -總捨而言是有點失望，經過一試還好，如果是特地來吃的話就不了。

大商場既food court仲餐廳選擇雖然多，但好多都係大集團連鎖式經營，良心小店唔多，難得銅鑼灣尼度有一間💛💛趕係午市人潮前黎食，坐位選擇多冬菇雞絲湯河。 8.5/10早上第一餐想食清淡少少既野，所以冇叫到出名既喇沙😹但尼個清湯麵一啲都唔失禮，湯底清甜又冇好重味精既感覺！冬菇同雞絲都好入味！雞絲唔會有怪味份量又適中，一早食到碗咁暖胃既湯麵係一件幸福嘅事☺️凍檸茶。 9/10習慣飲走甜既凍檸茶，茶底香，唔會太澀，冰粒又唔多

惹味喇沙麵！聽講呢間蝦麵店幾出名，我平時都中意食喇沙，一於翻工放lunch試吓佢。因為佢湯另上，啲麵唔會浸淋唒，值得一讚。咖喱喇沙湯貢丸魚片麵$64- 個人來講覺得呢個湯底真係好重口味，比較油膩，唔可以一路食麵一路飲個湯底。同埋我覺得咖喱味比喇沙味道重，咖喱太突出，下次最好都係選定一個湯底就好。貢丸、魚片口感爽口，但本身嘅味道都比咖喱蓋過咗，有少少可惜。最後，個麵嘅掛湯能力幾好，每啖都食到咖喱香味，而且唔過辣，口感彈牙。最最最鍾意都係豆腐卜，索滿湯汁

天冷下特別想食辣野暖下胃，聽聞佢地嘅咖喱喇沙湯底好出色，梗係要黎試下啦。多款選擇下，簡左🍤蝦肉肉片咖喱喇沙麵好足料嘅一碗麵！蝦同肉片份量比想像中多，當然亦唔少得豆卜等材料。咖喱喇沙湯底辣度適中，喇沙味重過咖喱味，但混合埋一齊好惹味！同平時食開嘅喇沙唔一樣，麵係米粉底。米粉吸晒湯，食每一啖都好夠味。性價比好高嘅一餐，份量對一個女仔黎講可能會好飽添。最近大家「在家吃飯」時間增加，如果想為味覺帶返少少刺激，不妨試下😋

聽講灣仔總店成日都要排隊，知道在希慎food court 開店就過來試吓喇。唔知係咪food court選擇多，這邊無人排，唔使等首先來碗「蝦肉肉骨麵」，我無去過檳城唔知正唔正宗，但湯底有濃厚的蝦味，不過蝦就煮得過火，有點硬；排骨一咬就離骨，算係咁。「馬來沙嗲雞髀肉串燒」以$48 四大串雞肉沙嗲真係幾抵食，雞肉唔算乾但絕對唔可以話好食囉🙄

今日去銅鑼灣行街，想喺希慎廣場解決午餐，見到food court呢間蝦麵店好似都唔錯，於是就同朋友仔試咗 😋蝦肉雞絲麵 (河粉底) ($58) (R)- 跟餐連凍奶茶($7)• 蝦肉同雞絲好足料，每啖都食到• 河粉份量都正常，一個人都夠食，如果唔夠仲有大size揀，非常好• 湯底超級濃郁，蝦味好突出，有正宗馬拉菜嘅風味• 配菜e.g.芽菜都好豐富，食落成個口感有層次咗，超級滿足$65就食都唔錯嘅馬來西亞菜，一定會再食👍🏻

有一天，一個人去行誠品，晚上踢波前，想食少少嘢。上商場11樓，這間蝦麵店不錯。  咖哩叻沙湯魚片四寶麵，$78。 揀了摻摻，即油麵加米粉，我覺得摻摻兩溝口的質感特別，麵的份量中等，剛好適合踢波前不會太飽。 咖哩叻沙湯，味道點到即止，不是很辣。 四寶麵的四寶包括魚蛋、貢丸、墨魚丸、和腐角。四個之中，比較印象深刻的是腐角。 凍青檸梳打加$13。  蝦麵店銅鑼灣軒尼斯道500號希慎廣場11樓1109號舖

🇭🇰#香港捐窿捐罅記 #菠蘿王子經濟圈Instagram: foodkiller_dk正宗馬來地道小店💛主做麵食既餐廳🤟🏻銅鑼灣既良心餐廳都比我食得7788🤨果日就決定去挑戰一下food court 😂估唔到food court入面都有良心小店😂入面係主賣湯麵😌得啲小食先唔同玩法-# 🥘咖哩叻沙湯底海鮮麵🥘（$75）湯比想像中淡，啲可以再整得濃啲😌海鮮有海蝦，青口，魷魚等等,全部味道新鮮🤟🏻雖然湯比較淡，但味道就啱啱好，都creamy🤨不過份量偏少，叫佢大都唔係好飽🤨😂.🌶 #辣味蝦湯底海鮮麵 🌶 ($73)佢地另一個招牌湯🤨飲落有少少甜蝦味🤨料同叻沙一樣🤨最中意食個海蝦🤔麵底揀咗摻摻麵😌夠曬正宗😐不過湯都係濃返啲好👻總結來說 行過就試啦 有良心💛-🎈 銅鑼灣軒尼斯道500號希慎廣場11樓1109號舖平均傷害：$73好味值：6.5/10..

馬來西亞檳城人，黎左香港就黎6年，試過無數馬來西亞餐廳，唯一真係覺得蝦麵做的最正宗嘅一間！老公香港人，都話覺得好正宗，所以好推介大家試蝦麵。蝦麵湯底蝦味好夠濃，辣椒可能要就返香港人啲口味，相對唔係好辣，但可以再加辣椒都還可以。自從兩年前發現左之後都經常去幫親，見到越來越多分店好開心呀！但最衰好早關門，收工八點半去到已經冇得食。如果真係要加強，覺得如果老闆可以將粗米粉改成馬來西亞嘅幼米粉就更加好喇！

希慎food court好多間餐廳我都食過，唯獨呢間未試過。而家疫情期間，為咗減少同店員接觸，可以先搵位，再用枱上面嘅QR code落單。➡️ 辣味蝦湯•蝦肉四寶米粉 ($63)第一眼見到嘅時候真係嚇死，紅到成碗都係辣椒咁樣，幾驚食唔到，不過好彩，雖然好紅但其實只係少少辣，而且飲得出好鮮甜嘅蝦味。個湯底當然仲有少少蝦，但係就細細隻，同有少少雪藏味，我認為可以做得更加好。米粉方面，份量比得太過慷慨，多到好似食撈麵咁。蝦麵店地址📍: 銅鑼灣軒尼斯道500號希慎廣場11樓1109號舖.............................. 味道😋: ⭐️⭐️⭐️抵食💰: ⭐️⭐️💫

================📍濃濃椰香喇沙 -- 蝦麵店🦐💛Bookmark咗蝦麵店好耐啦🙈小編其實都幾中意食喇沙，不過又有啲怕辣😂估唔到呢間嘅辣度正合我口味🤤-------------------⭐️咖喱喇沙湯配海鮮摻摻（$65）湯底椰味較濃郁，椰香十足，帶微微辣頗惹味🙈如果中意食辣嘅朋友可以揀辣蝦湯底！🙈麵底揀咗摻摻，即係油麵加米粉，食落口感好豐富，索咗湯底嘅精華真係令人忍唔住一啖接一啖🤤海鮮亦份量十足，有大蝦，蟹柳，青口，魷魚，味道新鮮👍整體不俗💛-------------------賣相：7.3/10味道：7.9/10性價比：7.6/10回頭率：8.1/10------------------店舖資料名稱：蝦麵店地址：銅鑼灣軒尼斯道500號希慎廣場11樓1109號舖前往方法：銅鑼灣站F出口————————

呢一間蝦麵店難得佢開咗喺希慎嘅foodcourt，梗係要支持下✊🏻·蝦湯蝦肉魷魚麵就係眼前紅色呢一碗，原本以為個湯會好辣點知都係小小辣，仲帶啲蝦味幾鮮甜好飲。佢都幾足料嘅，有幾隻蝦同魷魚，油麵底都煮得剛剛好😎·黃色嘅喇沙海鮮麵椰子味都幾濃，味精味唔算重，好飲又唔頸渴！🤩🤩海鮮就有一隻大蝦、魷魚、豆卜、魚蛋等等，配料呢就中規中矩啦～👌🏻·馬來沙嗲雞髀肉串燒冇咩驚喜，略帶有少少乾，不過成塊雞柳用咗香茅碎包住，係幾特別嘅👌🏻·薏米水同青檸梳打就普普通通可以唔使特別叫野飲👋🏻～·建議大家嚟食佢哋個主食多啲，因為真係明顯出色嘅🤠-蝦湯蝦肉魷魚麵｜$70喇沙海鮮麵｜$65馬來沙嗲雞髀肉串燒｜$23薏米水｜$13青檸梳打｜$13-蝦麵店 (銅鑼灣)銅鑼灣軒尼斯道500號希慎廣場11樓1109號舖-