劉興記生煎包專門店

叫左個上海排骨菜飯，真係宇宙級難食，啲飯凍嘅，個排骨即係炸豬排，又乾又柴又薄，夾硬點啲豆瓣醬先好小小🙃

我隔離個個食蔥油拌麵，個麵成Pat野咁，淋哂漲哂，一啲都唔彈牙，蔥油味又唔香，好似靜係啲豉油加小小蔥油撈埋就係，真係買包即食麵煮仲好過佢！

個跟餐送嘅生煎包，又係唔熱嘅，個底又煎太濃，食到有個位勁硬，入面又話爆汁，我真係感受唔到。

個豆漿，可能人人口味唔同，我覺得好奇怪，有啲杰，唔係我平時飲嘅豆漿，我真係飲唔落🫠

因為太多人，要搭枱，對面兩個太陸遊客一路食一路苦笑，間野比人吹捧得太勁，食完真係浪費quota🫠

上海排骨菜飯