影片
更多
2010-12-24
184 瀏覽
每日星期六放半晝，就約埋啲舊同事聚舊、親子兼飲下午茶 ~ 見個個一雙一對、一係一家大細，自己又單身寡佬，突然心頭有點酸味 ﹗但絕對無緊要，最緊要有好野食 ~ 今次真係超乎我預期，竟有超水準表現，樣樣點心都比之前美味可口、高質數 ﹗食得又驚喜又開心 ﹗真係叫左好多好多點心呀 ~ 今次仲可以坐房添，唔洗迫唔洗嘈，好舒服呀 ﹗燻蹄，好正好好味呀，肉質軟塾、皮又嚥靭彈牙、咸香恰到好處，難得冷盤又夠凍。依道有落麻油調味架，勁添香味，點埋加糖白醋，酸酸甜甜好開胃。豬腳仔，嘩 ﹗未食過一間可以煮得咁腍滑、肉汁又多、啖啖肉，好好味，上枱時仲要熱騰騰，非常滿意。以前食過好多間都係乾爭爭、硬屈屈架又凍冰冰。真係第一次食到啲肉質咁軟墊、皮又爽口架。白烚唐生菜配淡豉油，新鮮爽口、水份足，已經好好味喇。蟹籽燒賣，最喜愛無咩肥肉，口感實淨唔鬆散，豬肉香、蝦爽口，但食唔到蟹籽鮮味，但啖啖肉已好正。魚茸腸粉，見到有新野梗係第一時間要叫黎試試啦，食落無咩特別，腸粉皮卷住淡淡既魚茸，有啲啲魚既味道，大部份都係豉油味，但清清地都幾好。小龍包，無湯小龍包，失敗之作，口感硬實且乾，一般。豉汁鳳爪，非常濃味，大路無特別。水晶蝦餃
燻蹄，好正好好味呀，肉質軟塾、皮又嚥靭彈牙、咸香恰到好處，難得冷盤又夠凍。依道有落麻油調味架，勁添香味，點埋加糖白醋，酸酸甜甜好開胃。
豬腳仔，嘩 ﹗未食過一間可以煮得咁腍滑、肉汁又多、啖啖肉，好好味，上枱時仲要熱騰騰，非常滿意。以前食過好多間都係乾爭爭、硬屈屈架又凍冰冰。真係第一次食到啲肉質咁軟墊、皮又爽口架。
白烚唐生菜配淡豉油，新鮮爽口、水份足，已經好好味喇。
蟹籽燒賣，最喜愛無咩肥肉，口感實淨唔鬆散，豬肉香、蝦爽口，但食唔到蟹籽鮮味，但啖啖肉已好正。
魚茸腸粉，見到有新野梗係第一時間要叫黎試試啦，食落無咩特別，腸粉皮卷住淡淡既魚茸，有啲啲魚既味道，大部份都係豉油味，但清清地都幾好。
小龍包，無湯小龍包，失敗之作，口感硬實且乾，一般。
豉汁鳳爪，非常濃味，大路無特別。
水晶蝦餃，超爽口又超大粒，連我個口咁大都要分兩啖去食呀。
燒汁魚肉釀茄子，上面洒左啲木魚，味道真係麻麻，茄子口感較為硬。
芝麻湯丸，本人唔食甜，試一試，可以啦，唔係太甜，芝麻都香口既。
珍珠雞，普通餡料，可以啦。
山竹牛肉配喼汁，本人唔多喜愛牛肉球，但食落都唔錯，以前勁多芫茜同蔥，近年大多酒樓已落少好多，可以食到喇。
柚皮蒸排骨，超肥呀，全部都係肥膏同油，食唔到。
四寶雞札，有雞柳、魚肚、冬菇、火腿，無芋頭，好野，哈哈，魚肚軟棉索晒啲精華，好味，鮮冬菇爽口鮮味，雞柳香滑。
上湯鮮竹卷，依家好多酒樓已經唔再用蠔汁啦，可能真係太過肥膩，試左咁多新汁料，最欣常係丹桂軒既葡汁鮮竹卷。
牛肉腸粉，味道好似同魚茸腸粉差不多咁喎。
咖喱魷魚，非常爽口，鬚同身都係喎，咖喱好香，仲有啲街邊 feel 添。
蘿蔔酥，唔多欣賞。
叉燒包，大路，可以一試。
豆苗餃，青草味太濃，麻麻。
張貼
