更多
2018-12-17
182 瀏覽
平時經過四季文昌已經心郁郁想入去食個飯,今次約好神秘的天使同我深入探討一下「四季文昌」有咩好食。餐廳裝修似cafe,但裡面是主打食雞同火鍋,仲有埋酒店多款cocktail 任你點。中午都有火鍋套餐,會唔會過份咗少少。我同天使今次嚟食雞,佢食海南雞飯而我就食瑞士汁大雞脾煎蛋飯。嗱嗱嗱,我不是愛雞人士,天使才是愛吃雞的女人。首先海南雞份量十份驚人,油雞飯都差不多2碗飯嘅份量,海南雞夠滑有雞味,價錢仲親民,加埋畀椰汁菠蘿冰,食完晚飯都可以唔駛食。而我就被隻大雞脾吸引,味道尚算可以,份量十足,$48真係抵過某大快餐店,我加埋杯薄荷青檸梳打,仲要大大杯,真係好平、靚、正。
張貼