青藏牛肉麵 (已結業)

係某雜誌睇到蔡san介紹，所以就揾朋友陪我去試。我地係地鐡出黎行去錦屏街，點知兜左個大圏經過好多車房去到街既盡頭都揾唔倒。結果要問人先揾到。嗰晚黑漆漆，好彩有人一齊去，唔係真係好驚架。當我地見到間餐廳既時候立刻有種世外桃源feel。好光猛，好乾淨，門口重有個花園仔，應該係比人等位同食煙既。個舖位比較細，所以覺得逼逼地。姐姐仔好好笑容，好友善。我地有乜唔明，佢都會慢慢解釋比我地聽。　朋友叫既撈麵：賣相好似出前XX，不過佢話食落就唔似係wor。因為係辣既，所以我只係試左一條，覺得幾彈牙。　燒茄子：我唔係好食菜，不過都陪朋友食左塊。比我預期少油，所以OK啦。　牛肉刀削麵：朋友話齋好似食緊年糕咁，好煙刄。個湯清清地，熱辣辣，D牛肉又唔嚡，唔錯。　 燒牛仔骨：朋友話好似七味粉咁味，我就只係食倒羊既＂蘇＂味...