和匠日式燒肉店

營業中

休息中

話說有一日男朋友想食飛驒牛，經過一番資料集蒐集，最後決定左去和匠，訂左台。我地早左半個鐘到，因為果晚好大雨⋯店員先帶我地坐面向牆壁既位置，坐低左之後有另一位店員問我地會唔會想坐面對面的位置，問清楚唔會阻礙人地做生意就轉左枱。揀食咩一向都唔係我部門既事，但今次黎既主要目的係飛驒牛，決策人揀左個飛驒牛套餐（好似係呢個名）仲有魷魚筒，同埋一個我又唔記得叫咩名既炒飯。等左三幾分鐘，我諗果位應該係老闆既男生，拎左碟食物黎，位先生好用心咁講解呢啲食物既名同味道。正當決策人有所動作既時候，果位先生問要唔要示範一下點燒啲食材，我呢個懶鬼梗係話好啦。先生一路燒一路講解要注意啲咩事情（堅係要讚，呢啲服務態度冇得頂）牛小排牛味好重；飛驒牛入口即溶隻雞翼完全唔鞋口；個魷魚筒唔韌。雖然果晚落好大雨，不過真係好開心，舖頭入面唔會焗促；店員好nice，完全唔趕客。