麻市滋味館 (已結業)

行開廟街，順道拜訪一下麻市，其實之前一直有留意這間餐廳的食評，希望有機會試試這裏的海鮮。一進餐廳就是個魚缸，有班、鮑魚、海蝦、蟹，點菜叫了個黃金蝦，店員即撈即煮，例牌有足半斤，好新鮮，生猛跳跳躦。等了約十分鐘，先來黃金蝦，入囗金香，香濃咸蛋黃味，最喜歡舔充滿蛋黃碎又炸至甘香的蝦殼，而且鮮蝦肉質比雪藏蝦好千百萬倍，食起來更有質感。再點了白鱔，有椒鹽/豉汁/燒汁三種不同制法選擇。想香口的話當然要椒鹽，跟平日在家吃的豉汁蒸鱔大不同，椒鹽炸過後，白鱔油脂已迫出，魚肉更香脆惹味。用來佐酒或送飯都是一流之選。之後再選了招牌菜冰梅肉排，肉排經過炸香後，來加上冰梅醬炒，鑊氣火侯夠，肉汁鎖上。令肉質外層香脆得來仍保持內裏肉汁，再加上甜甜酸酸的醬汁，相當酸胃。晚市惠顧送芒果布甸作甜品，可以自行加花奶，我加了超多花奶，好滑點菜後才見到有雞煲，可惜已有心無力，唯有留待下次再試試。