砂煲兄弟 (東港城) (已結業)

當日一行五人，係將軍澳行街，突然好想食煲仔飯，就俾我地見到砂煲兄弟竟然有我地想食既煲仔飯😍我地叫分別叫左手足情深煲仔飯（個名好特別）同鰻魚牛蒡煲仔飯。原來手足情深係豬手同豬腳，豬手肉質好彈，好入味！最開心係食到最後有飯焦，好香又唔燶，即刻又加分！另外，鰻魚牛蒡煲仔飯都好新奇有趣，第一次見到用鰻魚放入煲仔飯，有點fusion既氣息 哈哈！原來以為唔會太夾，但又出奇地好味，鰻魚好肥味，配埋牛蒡，口感不錯！邪惡金莎西多士真係重點推介！！！熱辣辣西多士淋上邪惡的朱古力醬加練奶，每舊西多士都均勻塗上花生醬，真係好好味！雖然邪惡，但真係抗拒唔到！