影片
更多
2019-08-12
61 瀏覽
朋友喺附近住，所以我收工就專登過嚟搵佢食飯，咁佢就話之前都食過呢間未都唔錯，咁最後我就梗係跟地頭蟲嘅決定啦。 店舖好企理，而且都非常之爆只係得一張空枱，當時只係啱啱好7:00。呢個就係三色花之戀，味道唔錯，同平時食開放題嗰啲花之戀嘅質素差好遠。平時食開放題嗰啲一夾就散，但呢度嗰啲完全唔會有咁嘅問題。而且啲配料都好新鮮，值得推介。之後我哋叫咗一盒白咖喱烏冬配炸雞，平時通常食烏冬都係一係麻將撈一係就湯烏冬，好少咁樣食。但食落又真係幾夾喎，咖喱食落唔係湯嗰種，比較似係汁果種，比較濃厚。蒜香燒茄子，咁就冇平時食開燒烤果種咁有風味，不過都唔錯，不過我就稍嫌燒得唔夠耐，有少少硬。刺身都算新鮮，冇乜特別。網銷牛扒，味道都幾好，不過就稍嫌個燒汁太多，唔係好食到牛味。整體而言，價錢算係公道，食落又夠晒飽，整體質素一定高過放題，所以真係好過食放題。
店舖好企理，而且都非常之爆只係得一張空枱，當時只係啱啱好7:00。
呢個就係三色花之戀，味道唔錯，同平時食開放題嗰啲花之戀嘅質素差好遠。平時食開放題嗰啲一夾就散，但呢度嗰啲完全唔會有咁嘅問題。而且啲配料都好新鮮，值得推介。
之後我哋叫咗一盒白咖喱烏冬配炸雞，平時通常食烏冬都係一係麻將撈一係就湯烏冬，好少咁樣食。
但食落又真係幾夾喎，咖喱食落唔係湯嗰種，比較似係汁果種，比較濃厚。
蒜香燒茄子，咁就冇平時食開燒烤果種咁有風味，不過都唔錯，不過我就稍嫌燒得唔夠耐，有少少硬。
刺身都算新鮮，冇乜特別。
網銷牛扒，味道都幾好，不過就稍嫌個燒汁太多，唔係好食到牛味。
整體而言，價錢算係公道，食落又夠晒飽，整體質素一定高過放題，所以真係好過食放題。
張貼
