Running 燒 (已結業)

韓燒食得多...成日都就住就住,多數都係食配菜食飽。今次唔同喇... 豪一下先, 韓燒放題!!!牛既種類唔少，而且切到細細件，可以食多幾款誠意推介"西施牛肉片"，牛肉經腌製過，有牛味又鬆化，唔使點醬已經好好食。其次牛舌，牛肋骨同牛柳片都係翻叫之選，雖然冇腌過但係牛味夠。有生菜籃任叫，牛柳片可以加小小辣醬包住食，非常惹味！另外肉類叫左-五花腩，味道ok,不足既係切得太細，好容易就燒得太乾，冇左五花腩既精髓。-調味豬扒，肉質偏鞋，感覺一般。-羊肉，好有羊騷味，鍾意羊既朋友可以一試！海鮮類：，D蝦好大隻又新鮮.燒完都仲好爽口。帶子片都好鮮甜，有驚喜！還有扇貝，咖喱魷魚，多春魚,不過都係蝦同帶子最出色！其他熟食叫左-水冷面，細細碗，味道冇欺場咖！同好多主打食水冷面既餐廳一樣咁好食。讚!-炸魷魚鬚，炸得夠脆既，不過咸左少少。-炸雞，用返炸魷魚鬚既炸粉一樣既煮法,脆!最後服務都唔錯，清碟清得好密又有禮貌。總括黎講，任食放題黎講食物種類算多而且高質素，抵食之選！挑起條肉癮想食燒肉可以考慮一下呢間！