Mr. Crab by The Captain's House (已結業)

今日同fd終於睇得成dear jane 既演唱會🫠睇之前就係灣仔食埋個early dinner先。我地有4個人，叫左個4人餐，包4杯野飲，special drink就補啲錢，4個湯，2個小食，5款shake shake海鮮，3個main，人均500幾，其實算好抵食，因為真係超飽。先講一下杯野飲，我飲朱古力，勁夠味，好濃，但勁奇怪既設計，吱啲朱古力係出面，一溶就好易整到成手都係。老公飲個杯係茶，好靚同埋好好飲。湯就有龍蝦湯同周打蜆，龍蝦湯就無咩特別可能好多地方都有得飲。周打蜆就好甜，推介呢個。小食加左錢要青口同蟹餅。青口一般，吾值得加錢食，蟹餅都吾錯，好有口感。海鮮shake shake 袋好足料，不過我地簡左蒜泥汁，食耐左有啲咸，吾建議。Main可以要ribs同加錢要牛肋骨，我地簡左牛肋骨，超！好！食！好有牛味，同埋好淋，大力推介！意粉同risotto 好好味，但因為佢哋最遲黎，所以已經超飽，食吾落咁多，最尾都有淨。其實4人餐絕對夠5個人食有餘，所以食呢間一定要多啲人一齊去先可以食到多啲野。